Sunday, February 5, 2023

कारको ह्यान्डब्रेक प्रयोग गर्दा यस्ता गल्ती त गरिरहनु भएकाे छैन ? जान्नुहोस् कति बेला प्रयाेग गर्ने

गाडीमा ह्यान्डब्रेकको काम के हो थाहा होला । तर केही यस्ता व्यक्तिहरू पनि छन्, जो भर्खरै गाडी चलाउन लागेका छन् र उनीहरूलाई ह्यान्डब्रेकको बारेमा थाहा छैन वा धेरै कम थाहा छ । यसकारण धेरै पटक मानिसहरूले ह्यान्डब्रेक प्रयोग गर्दा गल्ती गरिरहेका हुन्छन् । र तिनीहरूमध्ये जाे कार चलाउन नयाँ छन्, उनीहरुले त झन् धेरै गल्ती गर्छन् ।

यदि तपाई ड्राइभिङ स्कूलमा कार चलाउन सिक्दै हुनुहुन्छ भने, तपाईँको प्रशिक्षकले कारको ह्यान्डब्रेक देखाउनु हुनेछ र तपाईँलाई यसको बारेमा जानकारी दिनुहुने छ । तर नेपालमा धेरै मानिसहरूले ड्राइभिङ स्कूलबाट कार चलाउन सिकेका छैनन् । सिके पनि गम्भिरतापुर्वक सिक्नेहरुको कमि नै हुन्छ । त्यसैले उनीहरूलाई यो प्रयोग गर्न अलि गाह्रो लाग्छ । हामी तपाईलाई कसरी ह्यान्डब्रेक प्रयोग गर्ने भनेर बताउँछौं ।

ह्यान्डब्रेक के हो?

सबै भन्दा पहिले तपाईलाई ह्यान्डब्रेक भनेको के हो भनेर थाहा पाउन जरुरी छ । कारहरूमा दुईवटा मुख्य ब्रेकहरू हुन्छन् । एउटा तपाईंको खुट्टाद्वारा संचालित हुन्छ । याे पेडलमा जोडिएको हुन्छ र कारको एक्सेलेटरको बायाँ छेउमा राखिएकाे हुन्छ, जसलाई तपाईंले गाडी चलाउँदा ढिलो गर्न वा रोक्न प्रयोग गर्नुहुन्छ ।

अर्को ब्रेक हातले संचालित हुने भएकाेले यसलाई ह्यान्डब्रेक भनिन्छ । धेरैजसो कारहरूमा यो गियरस्टिक नजिक चालकको सिट छेउमा रहेको लीभर तानेर सञ्चालन गरिन्छ । तपाईंले कार रोकेर बन्द गर्दा मात्र ह्यान्डब्रेक प्रयोग गर्नु पर्दछ । धेरैजसो कारहरूमा ह्यान्डब्रेकलाई लिभर तानेर सञ्चालन गरिन्छ । तर अहिलेका धेरै आधुनिक कारहरूमा सानो बटन थिचेर ह्यान्डब्रेक सञ्चालन गर्न सकिन्छ ।

ह्यान्डब्रेक कहिले र कसरी प्रयोग गर्ने?

कारमा भएका ब्रेकहरुमा एउटा खुट्टाले प्रयोग गर्ने ब्रेक र अर्को हातले प्रयोग गर्नु पर्ने ब्रेकहरुको काम पनि फरक फरक छ । फरक अवस्थामा तिनीहरुको प्रयोग हुन्छ । यहाँ हामी ह्यान्ड ब्रेक कस्तो अवस्थामा प्रयोग गर्ने भन्ने बारेमा लेख्दैछौँ ।

१. कार पार्क गर्दा:

तपाईंको ड्राइभिङ परीक्षणको समयमा परीक्षकले तपाईंलाई कम्तिमा एक पटक पार्क गर्न लगाउने छ । तपाईंको कार पार्किङमा राखेपछि, जब तपाईंको कार पूर्ण रूपमा रोकिन्छ, तब कारको ह्यान्डब्रेक प्रयोग गर्नुपर्छ । याे बुझ्नु पर्छ कार लामो वा छोटो अवधिका लागि पार्क गर्दा पनि ह्यान्डब्रेक प्रयोग गर्न बिर्सनु हुदैन ।

२. जब कार रोकिन्छ:

जब तपाईँ ट्राफिक लाइटमा रोकिनुहुन्छ, तब कारमा ह्यान्डब्रेक प्रयोग गर्न सक्नुहुन्छ । तपाई लामो समयको लागि ट्राफिक लाइटमा अड्किएको हुनुहुन्छ भने त झन् ह्यान्डब्रेक प्रयोग गर्नु सबै भन्दा उत्तम विकल्प हुन सक्छ ।

३. आपतकालीन ब्रेक पछि:

तपाईंले गाडी आपतकालीन राेक्नु पर्दा खुट्टाकाे ब्रेक प्रयोग गर्नुपर्छ र यदि तपाईं म्यानुअल कार चलाउँदै हुनुहुन्छ भने, खुट्टाकाे क्लच प्रयोग गर्नुहुन्छ । तर एकपटक कार रोकिएपछि तपाईंले ह्यान्डब्रेक लगाउनुपर्छ र आफ्नो कारलाई न्यूट्रलमा राख्नुपर्छ ।

४. हिल स्टार्ट:

यदि तपाई पहाडी क्षेत्रमा गाडी कुदाउदै हुनुहुन्छ भने उकालो वा ओरालोमा कार रोकिएमा ह्यान्डब्रेक प्रयोग गर्नुहोस् । यसले तपाईको गाडी पछाडी सर्न वा ओरालो तिर जान रोक्छ । तपाईलाई कार नियन्त्रण गर्न सजिलो बनाउँछ ।

Latest

मापसे चेक गर्न बसेका प्रहरी हवल्दारको हात गाडी चालकले भाँचिदिए पछि…..

पोखरामा मापसे गरेर गाडी चलाउदा चेकिङमा बसेका प्रहरी हवल्दारको...

नेपालमा पाइने यामाहाको सबै बाइकहरुको सूची, मुल्य सहित

अहिले विश्वव्यापी रूपमा प्रसिद्ध ब्रान्डको रूपमा परिचित यामाहालाई सन्...

काठमाडौं महानगरिपालिकाले ३० वर्गफिटभन्दा माथिको साइनबोर्ड राख्न नदिएपछि महानगरभित्रका अटो सो-रुमहरु समस्यामा

काठमाडौं महानगरिपालिकाले ३० वर्गफिटभन्दा माथिको साइनबोर्ड राख्न नदिएपछि महानगरभित्रका...

हुन्डाइ कन्स्ट्रक्सन इक्विप्मन्टको नयाँ शाखा धनगढीमा सञ्चालन

हुन्डाइ कन्स्ट्रक्सन इक्विप्मन्टले आफ्नो नयाँ शाखा धनगढीमा सञ्चालन गरेको...
विप्लव अधिकारी
विप्लव अधिकारीhttps://sabaiauto.com/author/biplovadhikari/
विप्लब अधिकारी पत्रकारिताका विद्यार्थी हुन् । अटोमोबाइलका ताजा जानकारीहरुमा उनको विशेष रुचि छ ।

मापसे चेक गर्न बसेका प्रहरी हवल्दारको हात गाडी चालकले भाँचिदिए पछि…..

पोखरामा मापसे गरेर गाडी चलाउदा चेकिङमा बसेका प्रहरी हवल्दारको हात भाँचिदिएका छन् । चालक पोखराका व्यवसायी सौरभ थापा रहेको छन्। थापाले जिल्ला प्रहरी कार्यालय...

नेपालमा पाइने यामाहाको सबै बाइकहरुको सूची, मुल्य सहित

अहिले विश्वव्यापी रूपमा प्रसिद्ध ब्रान्डको रूपमा परिचित यामाहालाई सन् १९७५ मा नेपालको सबैभन्दा ठूलो उद्यम, MAW इन्टरप्राइजले नेपालमा ल्याएको थियो । नेपाल भरि यामाहाको...

काठमाडौं महानगरिपालिकाले ३० वर्गफिटभन्दा माथिको साइनबोर्ड राख्न नदिएपछि महानगरभित्रका अटो सो-रुमहरु समस्यामा

काठमाडौं महानगरिपालिकाले ३० वर्गफिटभन्दा माथिको साइनबोर्ड राख्न नदिएपछि महानगरभित्रका अटो सो-रुमहरु समस्यामा परेका छन् । अन्तर्राष्ट्रिय ब्रान्डका कम्पनिहरुले विक्रेताले कस्तो साइनबोर्ड राख्ने भनेरै मापदण्ड...

LEAVE A REPLY

Please enter your comment!
Please enter your name here