Thursday, October 6, 2022

कहिले हात पर्छ स्मार्ट लाइसेन्स ? अझै कति बोक्नु पर्ने हो रसिद लेमिनेसन गरेर ?

सवारी साधनको लाइसेन्सका लागि नेपाल ऐतिहासिक रुपमा समस्या छ भन्दा पनि हुन्छ । यातायात व्यवस्था विभागले लाइसेन्सको अनलाइन (सवारी चालक अनुमति पत्र) आवेदन फेरि बन्द गरेको छ भने नयाँ लाइसेन्स पाएकाहरु तथा नविकरण गरेकाहरुका हातमा पनि सहजै लाइसेन्स उपलब्ध हुदैन । स्मार्ट लाइसेन्स भनिए पनि लाइसेन्स हात पार्ने तरिका भने स्मार्ट नभइदिदा ट्रायल पास भएकाहरु पनि धेरैका हातमा स्मार्ट लाइसेन्स पर्न सकेको छैन । मानिसहरु ट्रायल पास भएको वा नविकरण गरेको रसिदलाई लेमिनेसन गरेर बोक्न बाध्य छन् ।

के थियो योजना ?

भौतिक पूर्वाधार तथा यातायात मन्त्री रेणुकुमारी यादवले १४ लाख स्मार्ट लाइसेन्स छपाइ सुरू कार्यक्रममा बोल्दै लाइसेन्स अभाव समस्या समाधान गरिने बताएकी थिइन् । अझ उनले लाइसेन्स लिन टाढाटाढा धाउनुपर्ने बाध्यता हटाउन पहल गर्ने उल्लेख गरेकी थिइन् । मन्त्री यादवले आगामी दिनमा हुलाकबाटै स्मार्ट लाइसेन्स सम्बन्धित व्यक्तिको घरघरमा पुर्‍याउने व्यवस्था गरिने समेत उद्घोष गरेकी थिइन्।

के भइरहेको छ ?

वास्तविकता भाषणजस्तो सजिलो हुन सकेको छैन । विभागले भने अनुसार दैनिक तीन सिफ्टमा दैनिक दस हजार कार्ड छपाई पनि हुन सकेको छैन । फागुनको आधा बित्न लाग्दा हालसम्म एक लाख ८५ हजार कार्ड मात्रै छापिएको छ । दैनिक छ हजार कार्ड छपाइ भइरहेको छ । यहि गतिमा कार्ड छपाउँदा महिनामा बढिमा १ लाख ८० हजार मात्रै कार्ड छपाइ गर्न सकिन्छ । यसले पनि कार्डको माग पुरा गर्न सक्दैन ।

स्मार्ट कार्ड अभावमा विभागले कारण छपाइ र वितरण पनि लामो समय बन्द गरेको थियो । गत मंसिरमा फ्रान्सको सेल्प कम्पनीले ठेक्का सम्झौताअनुसार १४ लाख स्मार्ट कार्ड उपलब्ध गराएसँगै २०७७ फागुनदेखि ठप्प लाइसेन्सको छपाइ पुसदेखि सुरू भएको हो । त्योभन्दा अगाडिको समयमा विदेश जानुपर्ने तथा अत्यावश्यक सेवाग्राहीलाई मात्रै लाइसेन्स उपलब्ध गराउँदै आएको थियो ।

कार्ड आपूर्तिमा लापरबाही र ढिलाइ हुँदा लाइसेन्स परीक्षा नै हुन सकेको थिएन । निषेधाज्ञा समयमा लाइसेन्स छपाइ पनि रोकिएको थियो । लामो समयसम्म स्मार्ट लाइसेन्स छपाइ बन्द हुँदा अहिले लाखौं चालकहरू स्मार्ट लाइसेन्सबाट बञ्चित छन् । नवीकरण गर्नेहरूले पनि वर्ष दिनभन्दा बढी कुर्नु परेको छ । विभागका अनुसार हाल चार लाखभन्दा बढी चालक स्मार्ट कार्डबाट बञ्चित छन् । उनीहरू राजस्व तिरेको रसिदलाई लाइसेन्सका रूपमा प्रयोग गर्न बाध्य छन् ।

Latest

उड्यो विश्वको पहिलो इलेक्ट्रिक विमान एलिस, हेर्नुहोस भिडियो सहित

सेप्टेम्बर २७ मा वाशिंगटन स्टेटको ग्रान्ट काउन्टी अन्तर्राष्ट्रिय विमानस्थलबाट...

थन्किएका विद्युतीय गाडी आए सन्चालनमा

तीन वर्षदेखि लुम्बिनीमा थन्किएर बसेका विद्युतीय गाडी बिहिबारदेखि सन्चालनमा...

पठाओको दशैं अफर अन्तर्गत आदित्य र तारापतिले जिते बजाज पल्सर र डिस्कभर बाइक

पठाओको दशैं अफर अन्तर्गत दुई जनाले लक्की ड्रमार्फत बजाज...

यामाहाको सबैभन्दा ठुलो शोरुम नक्सालमा सन्चालन

यामाहाले काठमाडौं नक्साल स्थित नयाँ शोरुम खोलेको छ ।...

उड्यो विश्वको पहिलो इलेक्ट्रिक विमान एलिस, हेर्नुहोस भिडियो सहित

सेप्टेम्बर २७ मा वाशिंगटन स्टेटको ग्रान्ट काउन्टी अन्तर्राष्ट्रिय विमानस्थलबाट विश्वको पहिलो इलेक्ट्रिक विमानले आफ्नो पहिलो उडान सफलतापूर्वक सम्पन्न गरेको छ । इजरायलको एभिएसन एयरक्राफ्टले...

थन्किएका विद्युतीय गाडी आए सन्चालनमा

तीन वर्षदेखि लुम्बिनीमा थन्किएर बसेका विद्युतीय गाडी बिहिबारदेखि सन्चालनमा आएका छन् । थन्किएर बसेका ५ विद्युतीय बस मध्ये ४ र १४ वटा विद्युतीय कार...

पठाओको दशैं अफर अन्तर्गत आदित्य र तारापतिले जिते बजाज पल्सर र डिस्कभर बाइक

पठाओको दशैं अफर अन्तर्गत दुई जनाले लक्की ड्रमार्फत बजाज डिस्कभर र पल्सर २२० बाइक जितेका छन्। कम्पनीले केही समय अगाडी 'दसैं महोत्सव २०७९' नामकरण...

LEAVE A REPLY

Please enter your comment!
Please enter your name here