Sunday, February 5, 2023

सेकेन्ड ह्यान्ड बाइक किन्दै हुनुहुन्छ ? ५ कुराहरु जाँच गर्न नबिर्सनु

मोटरसाइकल नेपालका लागि सजिलो सवारी साधन हो । आजको समयमा मोटरसाइकल धेरै कामकाजीहरुका लागि अत्यावश्यक कुरा हो । त्यस्तै कतिपयका लागि उच्च मूल्यका मोटरसाइकलको रुचि पनि हुन सक्छ । तर आफ्नो पैसा नयाँ मोटरसाइकलमा खर्च गर्न नसक्ने अवस्था हुन सक्छ । यस्तोमा आफ्नो आवश्यकता र रहर पुरा गर्न पनि सेकेन्ड ह्यान्ड मोटरसाइकल उचित हुन सक्छ ।

त्यस्तै, मोटरसाइकल बेच्नु पर्ने पनि विभिन्न कारणहरु हुन सक्छन् । केहि समय चढे पछि मर्मतसम्भारका लागि समय र पैसा खर्च गर्नु भन्दा नयाँ मोटरसाइकल किन्न सहि मानेर पनि कतिपयले आफ्नो मोटरसाइकल बेच्न चाहन्छन् । कतिका अरु विभिन्न कारणहरु हुन सक्छन् तर सबै कारणहरु सहि नहुन पनि सक्छन् । चोरीका वा असाध्यै ठुलो खर्च गर्नु पर्ने अवस्थाका सेकेन्ड ह्यान्ड मोटरसाइकल पनि हुन सक्छन् ।

यसैले सेकेन्ड ह्यान्ड मोटरसाइकल खरिद गर्दा धेरै कुराहरुलाई ख्याल गर्नु पर्छ । हामीले यहाँ सेकेन्ड ह्यान्ड मोटरसाइकल किन्दा ध्यान दिनु पर्ने केहि कुराहरु सूचिकृत गरेका छौँ । पक्कै पनि तपाई वा तपाईका नजिकका कसैले सेकेन्ड ह्यान्ड मोटरसाइकल किन्न लाग्दै हुनुहुन्छ भने यो टिप्स उपयोगी हुनेछ ।

१. भनेको नपत्याउनुहोस्, साधन र कागजात हेर्नुहोस्

तपाईको नियत राम्रो छ भन्दैमा मोटरसाइकल बेच्नेको पनि नियत सहि छ भने नहुन सक्छ । यसैले कसैले भनेकै भरमा मोटरसाइकल किन्न तयार नहुनुहोस् । अझ सुन्दा विछट्टै मन लोभ्याउने शर्तहरु छन् भने झन् सजग हुनुहोस् । मोटरसाइकल किन्नु भन्दा पहिले कागजात र मोटरसाइकलको चेकजाँच गर्ने कुरामा सहमति जनाउनुहोस् । सके सम्म आधिकारिक डिलरहरुबाट किन्ने गर्नुहोस् । कुनै रिकन्डिसन हाउसबाट किन्दै हुनुहुन्छ भने त्यसको स्थापना भएको मितिका बारेमा बुझ्नुहोस् । अहिले त त्यस्ता पसलहरुको फेसबुक पेज हुन्छन् । छन् भने तिनमा आएका कमेन्टहरुले पनि धेरै जानकारी दिन्छन् । त्यसपछि नम्बर २ पछिका टिप्सहरुमा ध्यान दिनुहोस् ।

२. मोटरसाइकलको अवस्था

मोटरसाइकलको अवस्थामा लगभग सबैले ध्यान दिइन्छ । दिनु पनि पर्छ । किनभने मोटरसाइकललाई मालिकले कसरी ह्यान्डल गरेको छ र बाइकलाई कति हेरचाह गरेको छ भनेर मोटरसाइकलको अवस्थाले देखाउँछ । मोटरसाइकलको भौतिक अवस्था जाँच गर्न धेरै समय नलाग्ने हुनाले तपाईले सहजै मोटरसाइकलको अवस्था जाँच गर्न सक्नु हुन्छ । यसका लागि बाहिरबाट देखिने कुराहरु सबै छन् कि छैनन् ? छन् भने कस्तो अवस्थामा छन् ? जस्ता कुराहरु हेर्नुहोस् । पेंच र बोल्ट खोज्नुहोस् । यस्ता साना मसिना कुराका विभिन्न भागबाट हराइरहेका हुन सक्छन् ।

मोटरसाइकलको ब्रेकहरुको अवस्था के कस्तो छ ? तेल चुहिने छ कि छैन ? भर्खरै धोएको बाइक छ भने याद गर्नुहोला कि तेल लागेको भाग अरु भन्दा बढि चम्किन्छ । चेन तथा अगाडि र पछाडिका टायरहरुको अवस्था हेर्नुहोस् । तेलको ट्याङ्कीमा खिया परेको छ कि चेक गर्नुहोस् । सस्पेन्सन भत्किएको छ कि छैन भन्ने पनि ख्याल गर्नु पर्छ । त्यस्तै धुँवा जाने पाइप र ब्याट्रीको अवस्था पनि चेक गर्नुहोस् । बत्तिहरु सबै ठिक ढंगले बलेका छन् कि छैनन् भन्ने पनि जाँच गर्नु पर्छ ।

३. नयाँ र पुरानो मुल्यको फरक

सोही मोडलको नयाँ मोटरसाइकलको मूल्य कति पर्छ भन्ने पहिले नै आधिकारिक स्रोतबाट जानकारी लिइराख्नुहोस् । यसले गर्दा यति सम्म दौडिसकेको मोटरसाइकललाई यतिसम्म मूल्य लगाउन सकिन्छ भन्ने आंकलन गर्न सकिन्छ । नयाँ भन्दा असाध्यै कम मूल्य भनिएको छ र एकदमै बहानाहरु बनाइएका छन् भने तुरुन्त विश्वास नगर्नुहोेस् ।

४. कति प्रयोग भएको छ र सर्भिसिङ नियमित छ कि छैन ?

मोटरसाइकलको किलोमिटर गणना सहि छ कि छैन भन्ने जाँच गर्नुहोस् र कति कुदेको छ भन्ने हेर्नुहोस् । यदि सम्भव छ भने, बाइकको सर्भिसिङ इतिहासको बारेमा पनि पत्ता लगाउन प्रयास गर्नुहोस् । हुन त कतिपयले सर्भिस सेन्टरमा नलगी आफैले पनि सर्भिसिङ गरेका हुन सक्छन् तर मालिकसँग कुरा गरेर सर्भिसिङ आफैले गर्न सक्ने नसक्ने थाहा पाउन सकिन्छ । बाइक पुरानो भएमा वा धेरै कुदेको भएमा माइलेज कम दिने सम्भावना अधिक हुन्छ । तेल खपत कति गर्छ भन्ने थाहा पाउनुहोस् ।

५. टेस्ट ड्राइभ गर्नुहोस्

आफैले मोटरसाइकल केहि बेर कुदाए पछि मोटरसाइकलको अवस्थाका बारेमा धेरै कुराहरु थाहा पाउन सकिन्छ । यसैले टेस्ट ड्राइभ गर्नुहोस् । टेस्ट ड्राइभ गर्दा एक दुई मिनेट नभएर केहि लामो समय कुदाउनुहोस् । मोटरसाइकलका पार्टसहरु हल्लिएका छन् कि छैनन्, ब्रेक तथा क्लचहरु कतिको स्मुथ छन् भन्ने कुराहरु पनि यसैबाट थाहा पाउन सकिन्छ । अझ किलोमिटर र तेलको मात्रा पनि टिपोट गरेर केहि लामो टेस्ट ड्राइभ गर्न सकियो भने माइलेजको पनि केहि अनुमान हुन सक्छ । पिक अप लगायतका कुराहरु त तुरुन्तै थाहा पाउन सकिन्छ । यसैले टेस्ट राइडको समयमा राम्रो ड्राइभको लागि मोटरसाइकल प्रयोग गर्न नहिचकिचाउनुहोस्।

Latest

मापसे चेक गर्न बसेका प्रहरी हवल्दारको हात गाडी चालकले भाँचिदिए पछि…..

पोखरामा मापसे गरेर गाडी चलाउदा चेकिङमा बसेका प्रहरी हवल्दारको...

नेपालमा पाइने यामाहाको सबै बाइकहरुको सूची, मुल्य सहित

अहिले विश्वव्यापी रूपमा प्रसिद्ध ब्रान्डको रूपमा परिचित यामाहालाई सन्...

काठमाडौं महानगरिपालिकाले ३० वर्गफिटभन्दा माथिको साइनबोर्ड राख्न नदिएपछि महानगरभित्रका अटो सो-रुमहरु समस्यामा

काठमाडौं महानगरिपालिकाले ३० वर्गफिटभन्दा माथिको साइनबोर्ड राख्न नदिएपछि महानगरभित्रका...

हुन्डाइ कन्स्ट्रक्सन इक्विप्मन्टको नयाँ शाखा धनगढीमा सञ्चालन

हुन्डाइ कन्स्ट्रक्सन इक्विप्मन्टले आफ्नो नयाँ शाखा धनगढीमा सञ्चालन गरेको...
सबै अटो
सबै अटो
सबैअटो डट कम २०७८ चैत्रदेखि सञ्चालन भएको अटोमोबाइलसँग सम्बन्धित अनलाइन पोर्टल हो । तपाईले यसमा स्कुटर, बाइक, कार लगायतका सम्पुर्ण अटोमोबाइलका सम्पुर्ण जानकारीहरु यसमा पाउन सक्नु हुनेछ । sabaiauto.com हेर्दै गर्नुहोला तथा सबैअटोका फेसबुक, ट्विटर, इन्स्टाग्राम, युट्युब र टिकटकमा पनि हामीसँग जोडिन सक्नु हुनेछ ।

मापसे चेक गर्न बसेका प्रहरी हवल्दारको हात गाडी चालकले भाँचिदिए पछि…..

पोखरामा मापसे गरेर गाडी चलाउदा चेकिङमा बसेका प्रहरी हवल्दारको हात भाँचिदिएका छन् । चालक पोखराका व्यवसायी सौरभ थापा रहेको छन्। थापाले जिल्ला प्रहरी कार्यालय...

नेपालमा पाइने यामाहाको सबै बाइकहरुको सूची, मुल्य सहित

अहिले विश्वव्यापी रूपमा प्रसिद्ध ब्रान्डको रूपमा परिचित यामाहालाई सन् १९७५ मा नेपालको सबैभन्दा ठूलो उद्यम, MAW इन्टरप्राइजले नेपालमा ल्याएको थियो । नेपाल भरि यामाहाको...

काठमाडौं महानगरिपालिकाले ३० वर्गफिटभन्दा माथिको साइनबोर्ड राख्न नदिएपछि महानगरभित्रका अटो सो-रुमहरु समस्यामा

काठमाडौं महानगरिपालिकाले ३० वर्गफिटभन्दा माथिको साइनबोर्ड राख्न नदिएपछि महानगरभित्रका अटो सो-रुमहरु समस्यामा परेका छन् । अन्तर्राष्ट्रिय ब्रान्डका कम्पनिहरुले विक्रेताले कस्तो साइनबोर्ड राख्ने भनेरै मापदण्ड...

LEAVE A REPLY

Please enter your comment!
Please enter your name here