Sunday, February 5, 2023

यसरी गर्नुहोस् आफ्नाे बाइकको हेरचाह, वर्षौं टिक्छ

तपाईंसँग कार होस् वा बाइक, यसलाई सधैं सेवा र हेरचाह चाहिन्छ । हामीमध्ये धेरैले बाइक किन्ने गर्छौ तर त्यसको राम्रोसँग रेखदेख गर्न सक्दैनौ, जसका कारण बाइकमा सधैं कुनै न कुनै त्रुटि हुन्छ । यहाँ हामी तपाईलाई केहि यस्ता टिप्सहरु बताउनेछौ जसलाई अपनाएर तपाई आफ्नो बाइकलाई सधैं नयाँ र फिट राख्न सक्षम हुनुहुनेछ ।

इन्जिन:

बाइकको सबैभन्दा महत्त्वपूर्ण भाग यसको इन्जिन हो, त्यसैले इन्जिनको नियमित सर्भिसिङ गरिरहनुहोस् । सर्भिसिङ गर्दा कार्बोरेटर र भल्भ सफा गर्नुपर्छ। लामो सवारीमा निस्कनु अघि वा सवारीबाट फर्केपछि बाइकको स्पार्क प्लग जाँच गर्नुहोस् वा बदल्नुहोस् । प्रत्येक १५०० किलोमिटर बाइक कुदे पछि एक पटक कार्बोरेटर (carburetor) सफा गर्नुपर्छ ।

इन्जिन तेल:

मोटरसाइकलको इन्जिन राम्रो पर्फमेन्स दिने बनाउनका लागि इन्जिनको तेल नियमित रूपमा परिवर्तन गर्न धेरै महत्त्वपूर्ण छ । यसका लागि सधैं इन्जिन तेलको स्तर जाँच गरिरहनुहोस् । इन्जिन तेलको स्तर कम हुँदा यसलाई ढिलाइ नगरी बदल्नुहोस् । कम इन्जिन तेल लेभलमा बाइक चलाउँदा इन्जिनको भित्री भाग बिग्रन्छ र शेल्फ लाइफ घटाउन सक्छ । ३००० देखि ४००० किलोमिटरमा एक पटक इन्जिन तेल परिवर्तन गर्नुहोस् ।

एयर फिल्टर:

बाइकको पर्फमेन्स राम्रो बनउनका लागि पनि एयर फिल्टर सफा राख्नु धेरै महत्त्वपूर्ण छ । बाइकको एयर फिल्टर समय समयमा सफा गरिरहनुहोस् । आवश्यक भए वर्षमा एक पटक एयर फिल्टर परिवर्तन गर्नुहोस् ।

क्लच:

बाइकलाई राम्रो पर्फमेन्स दिनको लागि क्लचको सही समायोजन हुनु आवश्यक छ । क्लच धेरै टाइट हुनु हुँदैन । बाइक चलाउदा क्लच धेरै थिच्नु हुँदैन, यसले इन्जिनमा समस्या ल्याउछ र माइलेजलाई असर गर्छ ।

चेन र गियर:

बाइकको चेन र गियरले राम्ररी काम गर्न निकै आवश्यक छ । किनभने चेन र गियर ट्रान्समिसनका मुख्य भाग हुन् । बाइकको चेन धेरै टाइट वा खकुलो हुनु हुँदैन । चेनमा खिया लाग्ने खतरा हुने भएकाले यसलाइ कहिल्यै पानीले सफा नगर्नुहोस् । चेनमा खिया लाग्ने र घिसिने समस्या कम गर्न, सर्भिस गरिसकेपछि चेनलाई लुब्रिकेट गर्नुपर्छ ।

बाइक चलाउँदा गियरको विशेष ख्याल गर्नुपर्छ । पार्क गरिएको बाइकमा अनावश्यक रूपमा गियरहरू थिच्नु हुँदैन । गियरहरू परिवर्तन गर्दा गियरहरूलाई झटका नदिनुहोस् वा कडा नथिच्नुहोस्, किनकि यसले गियरबक्सलाई छिट्टै क्षति पुर्‍याउन सक्छ ।

ब्रेक:

सही समयमा ब्रेक नलाग्दा सडकमा धेरै दुर्घटना हुने गरेको छ । त्यसैले ब्रेकहरु सधै जाँच गर्नु धेरै आवश्यक छ । यदि तपाइ ड्रम ब्रेक भएको बाइक चलाउनु हुन्छ र ब्रेक कम लग्ने गरेको छ भने तुरुन्तै ब्रेक प्याडहरू परिवर्तन गर्नुहोस् । डिस्क ब्रेक भएको बाइक छ भने सधै ब्रेक तेलको स्तर जाँच गर्नुहोस् । ब्रेक तेल कतैबाट चुहिएको छ कि छैन भनेर जाँच गर्नुहोस् । डिस्कमा रहेको धुलो र फोहोर सधैं सफा गर्नुहोस् ।

ब्याट्री:

समय समयमा बाइकको ब्याट्री जाँच गरिरहनुहोस् । यदि ब्याट्रीमा कुनै चुहावट छ भने, यसलाई तुरुन्तै बदल्नुहोस् । ब्याट्री डाउन भयो भने यसलाई चार्ज गर्नुहोस् । सधैं ओरिजिनल (original) र राम्रो गुणस्तरको ब्याट्री प्रयोग गर्नुहोस् ।

टायर:

सधैं टायरमा हावाको चाप नजर राख्नुहोस् । टायरमा हावाको चाप घट्दा तुरुन्तै हावा फुलाउनुहोस् । टायरमा हावा पम्प गर्दा सधै मिटरको प्रयोग गर्नुहोस् । ग्रिप बिनाको टायर प्रयोग नगर्नुहोस् । टायर धेरै पुरानो भएमा वा चर्किएको देखेमा चाँडै बदल्नुहोस् ।

Latest

मापसे चेक गर्न बसेका प्रहरी हवल्दारको हात गाडी चालकले भाँचिदिए पछि…..

पोखरामा मापसे गरेर गाडी चलाउदा चेकिङमा बसेका प्रहरी हवल्दारको...

नेपालमा पाइने यामाहाको सबै बाइकहरुको सूची, मुल्य सहित

अहिले विश्वव्यापी रूपमा प्रसिद्ध ब्रान्डको रूपमा परिचित यामाहालाई सन्...

काठमाडौं महानगरिपालिकाले ३० वर्गफिटभन्दा माथिको साइनबोर्ड राख्न नदिएपछि महानगरभित्रका अटो सो-रुमहरु समस्यामा

काठमाडौं महानगरिपालिकाले ३० वर्गफिटभन्दा माथिको साइनबोर्ड राख्न नदिएपछि महानगरभित्रका...

हुन्डाइ कन्स्ट्रक्सन इक्विप्मन्टको नयाँ शाखा धनगढीमा सञ्चालन

हुन्डाइ कन्स्ट्रक्सन इक्विप्मन्टले आफ्नो नयाँ शाखा धनगढीमा सञ्चालन गरेको...
विप्लव अधिकारी
विप्लव अधिकारीhttps://sabaiauto.com/author/biplovadhikari/
विप्लब अधिकारी पत्रकारिताका विद्यार्थी हुन् । अटोमोबाइलका ताजा जानकारीहरुमा उनको विशेष रुचि छ ।

मापसे चेक गर्न बसेका प्रहरी हवल्दारको हात गाडी चालकले भाँचिदिए पछि…..

पोखरामा मापसे गरेर गाडी चलाउदा चेकिङमा बसेका प्रहरी हवल्दारको हात भाँचिदिएका छन् । चालक पोखराका व्यवसायी सौरभ थापा रहेको छन्। थापाले जिल्ला प्रहरी कार्यालय...

नेपालमा पाइने यामाहाको सबै बाइकहरुको सूची, मुल्य सहित

अहिले विश्वव्यापी रूपमा प्रसिद्ध ब्रान्डको रूपमा परिचित यामाहालाई सन् १९७५ मा नेपालको सबैभन्दा ठूलो उद्यम, MAW इन्टरप्राइजले नेपालमा ल्याएको थियो । नेपाल भरि यामाहाको...

काठमाडौं महानगरिपालिकाले ३० वर्गफिटभन्दा माथिको साइनबोर्ड राख्न नदिएपछि महानगरभित्रका अटो सो-रुमहरु समस्यामा

काठमाडौं महानगरिपालिकाले ३० वर्गफिटभन्दा माथिको साइनबोर्ड राख्न नदिएपछि महानगरभित्रका अटो सो-रुमहरु समस्यामा परेका छन् । अन्तर्राष्ट्रिय ब्रान्डका कम्पनिहरुले विक्रेताले कस्तो साइनबोर्ड राख्ने भनेरै मापदण्ड...

LEAVE A REPLY

Please enter your comment!
Please enter your name here