Sunday, February 5, 2023

गर्मीमा कारको भित्री भागलाई कसरी चिसो राख्ने ? कारको एसी सहि तरिकाले प्रयोग गर्ने केहि सुझावहरू

चैत्र महिना लागेसँगै देशभरि गर्मी बढिरहेको छ । गर्मीको समयमा खुल्ला ठाउँमा घाममुनि पार्क गरिएको कारको भित्री भाग धेरै तातेको हुन्छ जसलाई चिसो बनाउन एसी निकै महत्त्वपूर्ण रहेको हुन्छ । आज हामी तपाइँहरुलाई गर्मीमा आफ्नो गाडीको एसी कसरी प्रभावकारी रूपमा प्रयोग गर्ने भन्ने बारे सुझावहरू दिन गईरहेको छौँ ।

१) सकेसम्म आफ्नो गाडी छहारीमा पार्क गर्नुहोस्

गर्मीको समयमा खुल्ला ठाउँमा घाममुनि पार्क गरिएको कारको भित्री भाग धेरै तात्छ । तातिएको गाडीलाई एसी प्रयोग गरेर चिसो पार्न नि निकै समय लाग्छ त्यसैले सकेसम्म आफ्नो गाडीलाई घामको किरणबाट जोगाएर राख्नु राम्रो हुन्छ । सकेसम्म आफ्नो गाडीलाई रुखमुनि वा बेसमेन्टमा पार्किङ गर्ने प्रयास गर्नुहोस् । यस तरिकाले, तपाईंको कारको केबिनलाई चिसो पार्न सजिलो हुनेछ । यदि तपाईंले त्यस्तो पार्किङ स्थल फेला पार्नुभएन भने, तपाईंले झ्यालहरू थोरै खुल्ला रूपमा छोड्नुहोस – थोरै खुल्ला राख्दा पनि तातो हावा बाहिर निस्किन्छ र ताजा हावा भित्र पस्ने प्रक्रिया भईराख्छ । यदि तपाईंको कारमा लेदरको सिटहरू छन् भने, तिनीहरूलाई कटनको बेडसिटले छोप्नु, सिटहरु चिसो राख्न राम्रो उपाए हुन्छ । गर्मीमा कारको भित्री भागलाई कसरी चिसो राख्ने भन्ने बारे हाम्रा सबै सुझावहरूमध्ये यो पहिलो र सम्भवतः सबैभन्दा महत्त्वपूर्ण छ ।

२) कार भेन्टिलेट गर्नुहोस्

यदि माथिको उपाय अपनाउदा पनि तपाईंको कारको भित्री भाग धेरै तातो भयो भने, तपाईंले सबै झ्याल र ढोका खोलेर कारलाई केही समय एसी अन गरी छोडदिनुहोस् । यस तरिकाले, तातो हावा बाहिर निस्कनेछ र भित्र चिसो भएर तपाईंलाई ड्राइभिङ सुरु गर्दा सजिलो हुनेछ ।

३) हरेक दिन आफ्नो कारको एसी प्रयोग गर्नुहोस्

एसीलाई राम्रो कन्डिसनमा राख्न मौसम जस्तोसुकै भए पनि नियमित रूपमा प्रयोग गर्नुहोस । त्यसो गर्दा एसी प्रणालीमा संलग्न एयर-भेन्टहरू र अन्य संयन्त्रहरू राम्रो अवस्थामा रहनेछन ।

४) रेफ्रिजिरेन्ट स्तर जाँच गर्नुहोस्

तपाईंको कारको एसी भेन्ट्सबाट निस्कने हावालाई रेफ्रिजिरेन्टको मद्दतले तापक्रम चिसो गरिन्छ । एसी राम्रोसँग काम गर्न र केबिन भित्र चिसो तापक्रम कायम राख्न आफ्नो कारको एसी प्रणालीमा रेफ्रिजरेन्टको स्तर जाँच गर्न अनिवार्य छ । त्यसैले नियमित रुपमा वर्कसपमा लगेकोबेला रेफ्रिजिरेन्ट स्तर जाँच गर्नुहोस् ।

५) कारको एसी सिस्टमको नियमित रूपमा सर्भिसिङ गर्नुहोस

मेसिनहरू यसरी डिजाइन गरिएका हुन्छन् कि तिनीहरूलाई नियमित अन्तरालहरूमा चेकजाँच गर्नुपर्छ । तपाईंको कारको एसी प्रणालीमा पनि यही कुरा लागू हुन्छ । सर्भिस स्टेसनमा लामो समय पर्खनु पर्ने समयबाट बच्न र मर्मत खर्चमा कटौती गर्न गर्मी महिनाहरू सुरु हुनुअघि नै आफ्नो कार एसीलाई सर्भिसिङ गरेर राम्रो अवस्थामा राख्नुहोस् ।

६) केबिन एयर फिल्टर नियमित रूपमा बदल्नुहोस्

हावा तपाईंको कारको केबिनमा छिर्नु अघि एयर फिल्टर मार्फत जान्छ । एयर फिल्टरले तपाईंको कारको भित्री भागलाई बाहिरी हावाबाट धूलो, फोहोरहरुबाट सुरक्षित गर्छ । धुलो, फोहोरहरु धेरै समय सम्म एयरफिल्टरमा रहन नदिन नियमित रुपमा एयर फिल्टर फेर्नुहोस् ।

Latest

मापसे चेक गर्न बसेका प्रहरी हवल्दारको हात गाडी चालकले भाँचिदिए पछि…..

पोखरामा मापसे गरेर गाडी चलाउदा चेकिङमा बसेका प्रहरी हवल्दारको...

नेपालमा पाइने यामाहाको सबै बाइकहरुको सूची, मुल्य सहित

अहिले विश्वव्यापी रूपमा प्रसिद्ध ब्रान्डको रूपमा परिचित यामाहालाई सन्...

काठमाडौं महानगरिपालिकाले ३० वर्गफिटभन्दा माथिको साइनबोर्ड राख्न नदिएपछि महानगरभित्रका अटो सो-रुमहरु समस्यामा

काठमाडौं महानगरिपालिकाले ३० वर्गफिटभन्दा माथिको साइनबोर्ड राख्न नदिएपछि महानगरभित्रका...

हुन्डाइ कन्स्ट्रक्सन इक्विप्मन्टको नयाँ शाखा धनगढीमा सञ्चालन

हुन्डाइ कन्स्ट्रक्सन इक्विप्मन्टले आफ्नो नयाँ शाखा धनगढीमा सञ्चालन गरेको...

मापसे चेक गर्न बसेका प्रहरी हवल्दारको हात गाडी चालकले भाँचिदिए पछि…..

पोखरामा मापसे गरेर गाडी चलाउदा चेकिङमा बसेका प्रहरी हवल्दारको हात भाँचिदिएका छन् । चालक पोखराका व्यवसायी सौरभ थापा रहेको छन्। थापाले जिल्ला प्रहरी कार्यालय...

नेपालमा पाइने यामाहाको सबै बाइकहरुको सूची, मुल्य सहित

अहिले विश्वव्यापी रूपमा प्रसिद्ध ब्रान्डको रूपमा परिचित यामाहालाई सन् १९७५ मा नेपालको सबैभन्दा ठूलो उद्यम, MAW इन्टरप्राइजले नेपालमा ल्याएको थियो । नेपाल भरि यामाहाको...

काठमाडौं महानगरिपालिकाले ३० वर्गफिटभन्दा माथिको साइनबोर्ड राख्न नदिएपछि महानगरभित्रका अटो सो-रुमहरु समस्यामा

काठमाडौं महानगरिपालिकाले ३० वर्गफिटभन्दा माथिको साइनबोर्ड राख्न नदिएपछि महानगरभित्रका अटो सो-रुमहरु समस्यामा परेका छन् । अन्तर्राष्ट्रिय ब्रान्डका कम्पनिहरुले विक्रेताले कस्तो साइनबोर्ड राख्ने भनेरै मापदण्ड...

LEAVE A REPLY

Please enter your comment!
Please enter your name here