नेपालमा नेक्सन ईभीको नयाँ ‘प्राइम’ भेरियन्टले पाईला टेकेको छ । नेक्सनको नेपालका लागि आधिकारिक वितरक सिप्रदी ट्रेडिङ प्रालिले भृकुटीमण्डमा सुरु भईरहेको नाडा ईभी एक्सपो २०२२ को अवसर पारेर नयाँ प्राइम भेरियन्ट सार्वजनिक गरेको हो । नेपाली बजारमा यसको मूल्य ४१ लाख ९९ हजार रुपैयाँ रहेको कम्पनीले जनाएको छ ।
यो इलेक्ट्रिक एसयूभीले फुल चार्जमा ३१२ किलोमिटर (एआरएआई प्रमाणित) को रेन्च प्रदान गर्दछ यसमा रहेको डीसी चार्जरले ६० मिनेट भित्र १० देखि ८०% सम्म चार्ज गर्न सकिने कम्पनीले जनाएको छ । १५ए प्लग सकेटबाट भने यसले १० देखि ९० प्रतिशत चार्ज गर्दा ९ घण्टा जतिको समय लाग्दछ । यसमा ३०.२ किलोवाटआवरको लिथियम-आयन ब्याट्री प्याक समावेश गरिएको छ जसले १२७ बीएचपी पावर र २४५ एनएम टर्क उत्पादन गर्दछ । । यसमा शक्तिशाली र उच्च दक्षताको १२९ पीएस चुम्बक एसी मोटर जोडिएको छ । जसले २४५ एनएम टर्क उत्पादन गर्दछ ।
फिचरको कुरा गर्दा यसमा क्रुज कन्ट्रोल, स्मार्ट वाच कनेक्टीभिटी, टायर प्रेसर मोनिटरिङ सिस्टम, रिजेनेरेशन सिस्टम जस्ता फिचरहरु रहेका छन् ।
