भदौ ७ देखि आयोजना हुन लागेको अटो शोको मिति सर्न सक्ने सम्भावना बढेको छ । सरकारले १५० सिसी क्षमताभन्दा बढीका मोटरसाइल र कारको आयातमा प्रतिवन्ध लगाउँने निर्णय गरेसँगै अटो शोको मिति सर्न सक्ने सम्भावना बढेको हो ।
कोभिडका कारण यसअघिका २ वटा शो आयोजना हुन सकेका थिएनन् । यसवर्ष पनि हुने होकि नहुने हो भन्ने दोधारमा छन् अटो व्यवसायी ।
उद्योग वाणिज्य तथा आपूर्ति मन्त्रालयको प्रस्तावमा सरकारले आज साउन १ गतेबाट १५० सिसी भन्दा बढी क्षमताका मोटरसाइल आयातामा प्रवितन्ध लगाएको हो। मन्त्रालयले वैशाख १३ गतेदेखि आयातमा लगाईएको प्रतिबन्धलाई परिमार्जन गर्दै निरन्तरता दिएको छ । यसअघी सरकारले वैशाख १३ गतेदेखि असार मसान्तसम्म २५० सीसीसम्मका मोटरसाइकलको आयात रोकिएको थियो ।
अब थप कडाई गर्दै सरकारले भदौं १४ गतेसम्म १५० सीसी माथिका सबै मोटरसाइकल तथा स्कुटर आयातमा प्रतिबन्ध लगाइएको हो । आजबाट नयाँ आर्थिक वर्ष लागे पनि यसअघिकै नियमलाई निरन्तरता दिँदै सरकारले पेट्रोलियम पदार्थबाट चल्ने जीप, कार, भ्यानको आयात प्रतिबन्धलाई पनि निरन्तरता दिएको छ ।
