फोटन मोटर्स नेपालले नयाँ फोटोन ट्युनल्याण्ड ई प्लस नेपाली बजारमा ल्याउने तयारी गरेको छ । फोटोन ट्युनल्याण्ड ई प्लस, टर्बोचार्जरको साथ २.०L इनलाइन ४-सिलिन्डर कमन रेल डिजेल इन्जिनद्वारा संचालित रहेको छ ।
यसको ३६०० rpm मा १४९.५५ PS को अधिकतम पावर र १८०० र ३००० rpm को बीचमा ३२० Nm को अधिकतम टर्क रहेको छ । यसमा ६ स्पीड म्यानुअल ट्रान्समिसन र ७६ लिटरको इन्धन ट्याङ्की रहेको छ ।
नेपालमा फोटोन मोटर ग्रुपको विशेष वितरक रहेको माउ वृद्धि कमर्सियल भेहिकल प्रा. लिमिटेडले, सन् २०२० मा रु ५९.५० लाखको मुल्यमा टुनल्याण्ड ई ब्याक ल्याएको थियो र कम्पनीले नेपाली बजारमा यसको करिब २०० युनिट बिक्री गर्न सफल भइसकेको छ । त्यस्तै, फोटन मोटर्स नेपालले यही अगस्टको शुरुमा टुनल्याण्ड ई प्लस लन्च गर्ने भनेको छ ।
