नाइजेरिया सरकारले ‘इन–ड्राइभर’ एपलाई नाइजेरियामा प्रतिबन्ध लगाएको छ । नाइजेरियामा सन् २०१९ देखि चल्दै आएको इन–ड्राइभरलाई, चोरी, डकैती र अपहरणको घटना बढेपछि नाइजेरियाले इन–ड्राइभरलाई बन्देज लगाएको हो ।
४४ देशका ६४६ शहरमा सन्चालन हुदैँ आएको इन–ड्राइभर, धेरै देशमा दर्ता नभइ चल्दै आइरहेका छन् । साथै, इन–ड्राइभरको विभिन्न देशमा चोरी, डकैती र अपहरणको घटना बाहिर आइरहेका छन् ।
नेपालमा कस्तो छ अवस्था ?
इन–ड्राइभर कम्पनी दर्ता बिना अवैध रुपमा नेपालमा सन्चालन भइरहेको खुलेको छ । फेसबुकमा नेपाललाई लक्षित गरेर प्रचार गरिरहेको इन-ड्राइभर कति बेला नेपाल आयो कति बेला देखि सन्चालनमा आयो भन्ने नै सराकारी निकायहरु बेखबर छन् । लगानी बोर्डले इन–ड्राइभर कस्तो कम्पनी हो भन्ने समेत थाहा नपाएको उल्लेख गरेको छ । साथै, बोर्डसँग इन–ड्राइभर सम्बन्धित कुनै विदेशी लगानी स्वीकृत र माग नभएको जनाएको छ ।
इन–ड्राइभर भारतमार्फत अवैध रुपमा नेपालमा व्यापार गरिरहेको खुलेको छ । ४२ देशहरुमा सन्चालित भइसकेको इन–ड्राइभर अहिले नेपालमा पठाओको प्रतिस्पर्धी रुपमा उदाइरहेको छ । नेपालमा हाल ४ हजार भन्दा बढी यसको प्रयोगकर्ताहरु रहेका छन् । तर सरकारलाई इन–ड्राइभरको केन्द्रीय कार्यलय र सम्पर्क व्यक्ति बारे कुनै जानकारी समेत छैन् ।
