इलेक्ट्रिक स्कुटर कम्पनीहरु बढ्दो पेट्रोलियम पदार्थको मूल्यलाई मध्येनजर गरेर ग्राहकहरुको लागि विभिन्न आकर्षक स्किमहरु सार्वजनिक गरिरहेका छन् । यसैक्रममा चाइनीज कम्पनी लेभ्निङ इलेक्ट्रिक स्कुटरले रेस्टुरेन्ट तथा होटेललाई लक्षित गरेर नयाँ अफर ल्याएको छ । नेपालका लागि आधिकारिक वितरक बज्र ग्रुप अन्तर्गतको ईभी नेपाल मोटर्सले ‘तपाईको गोजीमा कति छ ?’ नामकरण गर्दै उक्त स्किम सार्वजनिक गरेको हो । स्किम अन्तर्गत १० हजार रुपैयाँमा लेभ्निङ ब्रान्डको स्कुटर नेपाल भरिको रेस्टुरेन्ट तथा होटेलले फुड डेलिभरीको लागि पाउने भएका छन् ।
यो स्किम शून्य प्रतिशत फाइनान्सका साथ उपलब्ध हुनेछ । १०००० मा फाइनान्सका साथ उपलब्ध हुने यो प्रभावकारी हुनसक्ने कम्पनीको भनाइ छ । कम्पनीका अुनसार ग्राहकले १२ ,१८ र २४ महिना सम्मका लागि फाइनान्सको फाईदा लिन सकिनेछ ।
इच्छुक ग्राहकले लेभ्निङको काठमाडौं उपत्यकामा रहेका नक्साल, टेकु, भैसेपाटी, भक्तपुर, पाटन, बाफल लगायतका शोरुममा सम्पर्क गर्न सक्दछन् ।
हाल नेपाली बजारमा एलएक्स०१, एलएक्स०२, एलएक्स०४, एलएक्स०५, एलएक्स०५–डी, एलएक्स०६, एलएक्स०६ म्याक्स, एलएक्स०८, एलएस०१ र एम०४ मोडलका स्कुटर उपलब्ध रहेका छन् ।
