करिव ७ वर्ष देखि नेपालमै एसेम्बल भएर बिक्रि भइरहेको छ चिनियाँ कम्पनी किटेकको इलेक्ट्रिक लोडर । यो इलेक्ट्रिक लोडर वीरगन्ज लगायत तराईका विभिन्न स्थानमा कुशवाहा मोटर्सद्वारा बिक्री–वितरण भइरहेको छ ।
वीरगन्जका साथै नारायणगढ, कलैया, चःपुर, जनकपुर, धनगढी, राजापुर, इटहरी आदि स्थानमा कुशवाहा मोटर्सले सबडिलर स्थापना गरेर उक्त इलेक्ट्रिक लोडर बिक्री–वितरण गरिरहेको छ ।
८० एम्पियरका ५ थान ब्याट्री प्रयोग गरिएको इलेक्ट्रिक लोडरले, सिंगल चार्जमा करिव १०० किलोमिटर रेन्ज दिन्छ । २ हजार वाटको मोटर जडित लोडरमा ब्याट्री चार्ज गर्नका लागि १८ एम्प्यिर क्षमताको चार्जर उपलब्ध रहेको छ । यसको मूल्य ४ लाख रुपैयाँ तोकिएको छ । तराई छेत्रमा सो इलेक्ट्रिक लोडर फलफुल तथा तरकारी आदि सामान ओसारपसार गर्नमा निकै नै प्रयोग भएको पाइएको छ ।
