ग्लोबल न्यू कार एसेसमेन्ट प्रोग्राम(GNCAP) ले अन्ततः क्र्यास-परीक्षण प्रोटोकललाई थप कडा बनाएको छ । नयाँ नियम अन्तर्गत, प्रतिष्ठित ५ स्टार रेटिंग प्राप्त गर्न, कारहरू इलेक्ट्रोनिक स्टेबिलिटी कन्ट्रोल (ESC) संग फिट हुनुपर्दछ । कारहरूले पैदल यात्री सुरक्षा उपायहरू र साइड-इम्पेक्ट सुरक्षा परीक्षणहरूको पालना गर्नुपर्नेछ ।
पैदल यात्री सुरक्षा परीक्षणहरू अन्तर्गत, ग्लोबल NCAP ले पैदल यात्रीको टाउको, खुट्टामा चोटपटक लाग्ने सम्भावित जोखिमहरूको मूल्याङ्कन गर्नेछ । कारहरूमा पैदल यात्रीहरूलाई पहिचान गर्ने स्वायत्त आपतकालीन ब्रेकिङ प्रणाली छ भने थप अंकहरू प्राप्त गर्न सक्छन् ।
नयाँ नियम अघि, साइड इम्प्याक्ट परीक्षण अनिवार्य थिएन, तर अब यो अनिवार्य भएको छ । ५ स्टार रेटिंग प्राप्त गर्न, साइड इफेक्ट टेस्ट र फ्रन्टल क्र्यास टेस्टको दुवै आवश्यक भएको छ ।
