सुजुकी मोटरसाइकल इन्डियाले जुलाई ४, २०२२ मा कटाना स्पोर्ट्स बाइक भारतमा लन्च गरेको छ । कम्पनीले यसको प्रारम्भिक मूल्य भारु. १३.६१ लाख रुपैयाँ तोकेको छ । कम्पनीले यो बाइकलाई भारतीय बजारमा कम्पलीट बिल्ट युनिटको (सीबीयू) रुपमा ल्याएको छ । कम्पनीका अनुसार कटाना जापानी भाषाबाट राखिएको नाम हो जसको अर्थ तरवार हो ।
यसमा सुजुकीको इन्टेलिजेन्ट राइड सिस्टम (SIRS) छ, जुन विभिन्न प्रकारका उन्नत इलेक्ट्रोनिक कन्ट्रोल प्रणालीहरूसँग उपलब्ध रहेको छ ।इन्टेलिजेन्ट राइड सिस्टम (SIRS) ले ट्र्याक्सन कन्ट्रोल, ड्राइभ मोड सेलेक्टर, राइड-बाई-वायर इलेक्ट्रोनिक थ्रोटल सिस्टम र कम आरपीएम असिस्ट सहित विभिन्न प्रकारका उन्नत इलेक्ट्रोनिक कन्ट्रोल सिस्टमहरू समावेश रहेको छ ।
यसको ९९९ सीसी लिक्विड-कुल्ड डीओएचसी इन्जिनले १४८ बीपीएच को पावर र १०६ एनएम को टर्क जेनेरेट गर्दछ । यसमा ६-स्पिड गियरबक्स समावेश गरिएको छ । भारतमा यो बाइक मेटालिक म्याट स्टेलर ब्लू र मेटालिक मिस्टिक सिल्भर कलरमा उपलब्ध रहेको छ ।
यो बाइकले भारतीय बजारमा बीएमडब्लु एफ ९०० एक्सआर र कावासाकी निन्जा १००० एसएक्ससँग प्रतिस्पर्धा गर्ने अनुमान गरिएको छ ।
