टीभीएस रोनिन, लन्च हुनु अघि अनलाइनमा केहि तस्बिरहरू लीक भएका छन् । लीक भएका तस्बिरहरूले मोटरसाइकललाई दाहिने तर्फको विवरण देखाउछ ।
नयाँ टिभिएस रोनिनले स्क्र्याम्बलर शैलीको डिजाइन र राउन्ड हेडलाइट, कम्प्याक्ट इन्स्ट्रुमेन्ट क्लस्टर, टियर-ड्रप आकारको इन्धन ट्याङ्की, सिंगल-पीस सेडल र साइड-स्लङ्ग एग्जस्ट जस्ता प्याक स्टाइलिङ तत्वहरू फिचर गर्नेछ ।
हार्डवेयरको सन्दर्भमा, रोनिनले एयर र आयल-कूल्ड इन्जिन प्रयोग गर्नेछ । टीभीएस रोनीनमा २२५ सीसी क्षमताको इन्जिन रहने अनुमान गरिएको छ भने यो इन्जिनले २० पीएस पावर प्रदान गर्नेछ । यसमा ५ स्पीड गियरबक्स जडान हुनेछ ।
नयाँ टीभीएस रोनिन भारतीय बजारमा ६ जुलाई, २०२२ मा लन्च हुनेछ । यसको मूल्य १ लाख ५० हजार भारतीय रुपैयाँ हुने अनुमान सुरु भएको छ ।
