नेपाल आयल निगमले पेट्रोलियम पदार्थको खपत घटाउँनको लागि एकदिनमा दुई पांग्रे सवारीलाई ५ र साना गाडीलाई २० लिटर पेट्रोल दिने भएको छ । देशको वित्तीय अवस्थालाई मध्येनजर गरेर आयल निगमले यो निर्णय गरेको हो ।
निगमले सोमबार बसेको बैठकमा पेट्रोलियम पदार्थको खपत कम गर्न १० उपाय पेश गरेको जनाएको छ । त्यसमध्ये एउटा उपाय दुई पांग्रे सवारीलाई ५ र साना गाडीलाई २० लिटर पेट्रोल दिने हो ।
यसका साथै, नगमले सवारी साधनमा जोरबिजोर प्रणाली कार्यान्वयन गर्न, छोटो दुरीमा सवारी सधनको प्रयाग नगर्न, डिजेल र पेट्रोल गाडीको आयात प्रतिबन्ध गर्न, सरकारी, निजी र दुई पांग्रसहितका सबै खाले सवारी सधान पूर्ण क्षमतामा सञ्चालन गर्न आग्रह गरेको छ ।
यसअघी पनि निगमले पेट्रोलियम पदार्थको खपत घटाउँनको लागि आईतबार सार्वजनिक बिदा दिन माग गर्दै सरकारलाई माग गरेको थियो । सरकारले आईतबार सार्वजनिक बिदा दिने निर्णय त गर्यो तर केही समय नबिद्दै असार १ गतेदेखि यो निर्णय खारेज भएको थियो ।
