कावासाकीले आफ्नो अपडेटेड भर्सिस ६५० भारतिय बजारमा लन्च गरेको छ । कम्पनीले यसको बुकिङ सूचारु गरिसकेको छ र यसको प्रारम्भिक भारतीय मूल्य ७.३६ लाख तोकेको छ ।
यसमा केही कस्मेटिक अपडेट, नयाँ सुविधा र केही इलेक्ट्रोनिक सुविधाहरू समावेश गरिएका छन् । लुक र डिजाइनको हिसाबले नयाँ कावासाकीमा शार्प फेयरिङ रहेको छ जुन यसको ठूलो इन्जिन मोडल भर्सिस १००० सँग मिल्दोजुल्दो रहेको छ ।
यसमा ह्यालोजन युनिटको सट्टा नयाँ ट्विन एलईडी हेडल्याम्पहरू राखिएको छ । यसमा अपडेटेड बडी ग्राफिक्स, नयाँ कलर स्किम, ४-स्टेप एडजस्टेबल विन्डस्क्रिन, दुई-स्तर ट्र्याक्सन कन्ट्रोल सिस्टम, र थप उत्कृष्ट सुविधाहरु राखिएका छन् ।
यसमा ६४९ सीसीको समानान्तर-ट्विन, लिक्विड-कूल्ड, ४-स्ट्रोक इन्जिन रहेको छ। यो इन्जिनले ८,५०० आरपीएममा ६५ बीएचपीको पावर र ७,००० आरपीएममा ६१ एनएमको पीक टर्क जेनेरेट गर्दछ। यो इन्जिन ६ स्पीड म्यानुअल गियरबक्ससँग
जोडिएको छ।
