मोटरहेड मोटरसाइकलले सर्वसाधरणलाई मध्येनजर गरेर नयाँ अफर सार्वजनिक गरेको छ । मोटरहेडको नेपालका लागि आधिकारिक वितरक एसएलआर टेक्नो एण्ड ट्रेडले ‘विग विगर विगेष्ट’ नामकरण गर्दै सो अफर सार्वजनिक गरेको हो ।
अफर अन्तर्गत कम्पनीले ग्राहकलाई २ वर्षको रोड ट्याक्स निशुल्क उपलब्ध गराउने जनाएको छ । साथै, एकजना भाग्यमानि विजेताले लक्किड्रमार्फत नगद २ लाख ७ हजार ९०० रुपैयाँ जित्न सक्नेछन् ।
मोटरहेडको नयाँ मोटरसाइकल नगदमा खरिद गर्ने ग्राहकले स्क्रयाच मार्फत ७ हजार रुपैयाँदेखि १ लाख रुपैयाँसम्म जित्न सक्नेछन् ।
कम्पनीले यो अफरमा एक्सचेन्जको सुविधा पनि राखेको छ । जसअन्तर्गत ग्राहकले मोटरसाइकल खरिद गर्दा मूल्याङकनको आधारमा २० हजार थप मूल्याङ्कन पाउने छन् ।
यो अफर हिजो अर्थात असार १४ गतेदेखि सूरु भईसकेको छ । ग्राहकले यो अफरको फाइदा मोटरहेडको जुनसुकै शोरुमाबाट पनि उठाउँन सक्दछन् ।
