क्रिष्टियानो रोनाल्डोको बुगाटी भेरोन भिटेसे हाइपरकार केहि दिन अघि स्पेनको माजोर्कामा क्षतिग्रस्त भएको छ । स्पेनिस टापुमा पारिवारिक बिदा मनाउन आइपुगेका रोनाल्डोले आफ्नो मर्सिडीज-बेन्ज जी-क्लास र २ मिलियन अमेरिकी डलरको बुगाटी भेरोन भिटेसेलाई आफ्नो भिलामा ल्याएका थिए, जहाँ केही समयपछि उनको बुगाटी दुर्घटनामा परेको हो ।
रिपोर्टहरूको अनुसार स्टार फुटबलर भने बुगाटीमा उपस्थित थिएनन् तर उनको अंगरक्षक गाडी चलाउदै थिए र उनले गाडीको नियन्त्रण गुमाए र अन्ततः इट्टाको पर्खालमा गाडी ठोक्कियो । दुर्घटनामा उनको अंगरक्षक पनि सकुशलनै रहेको जानकारी आएको छ ।
