यातायात व्यवस्था विभागले सूचना जारी गर्दै सर्वसाधरणलाई लाइसेन्सका लागि अनलाइन आवेदन भर्दा एउटै आवेदकले फरक फरक प्रोफाइल बनाएको र फरक फरक मोबाइल नम्बर प्रयोग गरिएकाले त्यसो नगर्न आग्रह गरेको छ ।
यसका साथै, विभागले अनलाइन प्रोफाइल बनाउने क्रममा फारम भर्दा नाम, ठेगाना, नागरिकताको विवरण, सवारी चालक अनुमतिपत्रको विवरण लगायतका विवरणमा त्रुटि भेटिए नजिकको यातायात व्यवस्था कार्यालयमा गई त्रुटिपूर्ण विवरण हटाएर फेरि नयाँ विवरण भर्न समेत विभागले अनुरोध गरेको छ ।
विभागले चैत्रमा बन्द गरेको लाइसेन्स आवेदन हालसालै खोलेको थियो । अहिले आफूले सोचेको मिति र कार्यालयमा सम्पर्क राखेर परीक्षा र ट्रायल दिन सकिने व्यवस्था छ ।
