चितवन अटोमोबाइल्स एसोसिएसन र नाडा अटोमोबाइल्स एसोसिएसन अफ नेपालले बागमती प्रदेशसँगको समन्वयमा कर, भन्सार तथा भिसिटिएस सम्बन्धी प्रशिक्षण कार्यक्रम सम्पन्न गरेको छ ।
नाडाका अध्यक्षले कार्यक्रममा आफ्नो कुरा राख्दै २०७९/८० को बजेटले सवारी साधनको महशुलमा गरेको परिवर्तनले व्यवसायीहरुमा थप अन्यौलता आएको भन्दै देशमा विद्यमान तरलता अभावले व्यवसायीहरुले आफनो व्यवसाय सञ्चालन गर्न कठीन हुदै गएको बताए ।
यसका साथै उनले विद्युतीय सवारी साधनको महत्व र सरकारको यसबारे नीति नियमहरुको कुरा उल्लेख गरेका थिए ।
नाडाले विद्युतीय सवारीको प्रयोग बढाउँन सरकारलाई दवाव दिदै आएको परिप्रेक्षमा स्वच्छ व्यवसायको लागि समेत नाडाले
आवाज उठाउदै आएको बताए ।
उक्त प्रशिक्षण कार्यक्रममा नाडाका महासचिव सुरेन्द्र कुमार उप्रेती, कोषाध्यक्ष मिलनबाबु मल्ल, केन्द्रीय कार्य समिति सदस्यद्वय अनुप बराल, निलमणी पाठक, प्रकाश कपुरी तथा सोहन श्रेष्ठ समेतको उपस्थिति रहेको थियो ।
नाडाले गत जेष्ठ २७ गते लुम्बिनी अटोमोबाइल्स एसोसिएसन, प्रदेश ५ को सहकार्यमा सोही प्रकारको प्रशिक्षण कार्यक्रम सम्पन्न गरेको थियो । नाडाले यही असार मसान्तसम्म ७ वटै प्रदेशमा यस्ता प्रशिक्षण कार्यक्रम सम्पन्न गर्दे जाने बताएको छ ।
