होन्डा र सोनीले, “सोनी होन्डा मोबिलिटी इंक” नामक नयाँ कम्पनीको लागि आधिकारिक रूपमा संयुक्त सम्झौतामा हस्ताक्षर गरेका छन् । दुबै कम्पनीको प्रेस विज्ञप्ति अनुसार नवगठित कम्पनिमा दुवैको समान ५०% सेयर हुनेछ । नयाँ बनाइएको कम्पनिले पहिलो इभि मोडल २०२५ सम्ममा बिक्री र व्यापारिकरण गरिसक्ने योजना बनाईएको छ ।
यो सजिलैसँग बुझ्न सकिन्छ कि नयाँ कम्पनिमा होन्डाले आफ्नो कार निर्माण अनुभव ल्याउनेछ र सोनीले आफ्नो सफ्टवेयर र प्रविधि अनुभव ल्याउनेछ । होन्डाको यासुहिदेले अध्यक्ष र सीईओ दुवैको रूपमा काम गर्नेछन् भने सोनीको इजुमी कावानिशीले अध्यक्ष र प्रमुख अपरेटिङ अफिसरको रूपमा काम गर्नेछन् । कम्पनि यो वर्षको अन्त्य हुनु अघि टोकियोमा स्थापना हुनेछ र यसका उत्पादन गाडीहरूको बिक्री २०२५ मा सुरु हुनेछ।
होन्डाले सन् २०२० मा आफ्नो सानो इलेक्ट्रिक कार ‘होन्डा–ई’ विश्व बजारमा ल्याएको थियो । कारमा सानो ब्याट्री छ, जसले फुल चार्जमा २८० किलोमिटरको रेन्ज दिन्छ । होन्डा–ईले २०२१ वल्र्ड अर्बन कार अफ द ईयरको उपाधि जितेको थियो । होन्डाले कार बाहेक २ ह्विललाई पनि इलेक्ट्रिकमा रूपान्तरण गर्ने योजना बनाएको छ ।
