नेपाल नागरिक उड्डयन प्राधिकरणले विशिष्ट व्यक्तिको हेलिकप्टर उडान गर्दा दुई जना पाइलट अनिवार्य गरेको छ । मन्त्री प्रेमबहादुर आलेको अध्यक्षतामा बसेको बैठकले सो निर्णय गरेको हो ।
एक प्रेश विज्ञप्ति जारी गर्दै प्राधिकरणले, नेपाल सरकारले तोकेको विशिष्ट व्यक्ति (भीआईपी) को उडानमा दुई जना हेलिकप्टर पाइलट अनिवार्य राख्न भनेको छ ।
हाल नेपालमा १० वटा निजी र नेपाल सरकारको एक गरी ११ वटा हेलिकप्टर कम्पनी छन् । बैठकले काठमाडौँको विमानस्थलमा जहाजको पार्किङ क्षमता भरिएकाले काठमाडौँ बाहिर हेलिकप्टर र जहाजलाई सार्ने निर्णय समेत गरेको छ ।
