प्योर ईभीको उत्पादन ‘ई प्लुटो ७ जी’मा आगो लागेको घटना गुजरातमा फेरी दोहोरिएको छ । यो सँगै प्योर ईभिमा आगो लागेको पाँचौ घटना भएको छ ।
सामाजिक सञ्जालमा भाइरल बनेको भिडियोमा देखिएअनुसार पाटनको सुविधानाथ सोसाइटीमा रहेको एक घरमा, प्योर ईभी इप्लुटो ७ जी, इ–स्कुटर चार्ज गर्ने क्रममा आगलागी भएको हो । भिडियोमा स्कूटरमा आगो देखिन्छ, साथै चार्जर जुन अझै पनि ई-स्कुटरमा प्लग इन अवस्थामै रहेको छ ।
पछिल्लो ६ महिनामा प्योर ईभी ‘ई प्लुटो ७ जी’मा तेस्रो पटक आगो लागेको घटना बाहिर आएको हो । यसअघिका घटनामा कम्पनीले के कारण आगो लागेको हो भनेर एकिन सुचना बाहिर ल्याएको छैन । यो पाँचौ पटकसमेत के कारणले आगो लागकेको हो भन्ने बारे खुलाइएको छैन ।
