फक्सवागनले काठमाडौं स्थित नक्सालमा सुविधासम्पन्न नयाँ फ्ल्यागशिप सोरुम खोलेको छ । फक्सवागनको नेपालका लागि आधिकारिक वितरक पूजा इन्टरनेसनल नेपालले ग्राहकको बढ्दो मागअनुसार ५–तारे अनुभवको अत्याधुनिक सुविधासम्पन्न खोलेको बताएको हो ।
उक्त उद्घाटन कार्यक्रममा नेपालका लागि जर्मनीका राजदूत थोमस प्रिंज, मालीगाउँ प्रहरी चौकीका प्रहरी नायव उपरीक्षक मिन बहादुर कुँवर, विशाल ग्रुपका प्रबन्ध निर्देशक विशाल अग्रवाल र सञ्चारकर्मीको सामेल भएका थिए ।
नक्सालमा जर्मनीको जस्तै अत्याधुनिक सुविधासम्पन्न सोरुम खोल्न पाउँदा निकै खुसी रहेको पूजा इन्टरनेसनल नेपालका प्रमुख कार्यकारी अधिृकत विवेक बिजुक्छेले बताएका छन् ।
नयाँ सोरुमको सुरुवातसँगै कम्पनीले आगामी दुई सातासम्म उक्त सोरुमबाट गाडी बुकिङ गर्ने ग्राहकका लागि आकर्षक अफर दिने घोषणा गरेको छ ।
