सवारी साधन निर्माता कम्पनी महिन्द्रा एण्ड महिन्द्राले अगस्त १५, २०२२ मा ३ नयाँ बोर्न इलेक्ट्रिक एसयूभी लन्च गर्ने तयारी गरेको छ । कम्पनीले नयाँ ईभी प्रस्तुत गर्ने अघि जुन २७, २०२२ मा नयाँ भर्जनको स्कर्पियो एन लन्च गर्ने भएको छ ।
महिन्द्राका चीफ डिजाइन अफिसर प्रताप बोसले एक कार्यक्रममा नयाँ विद्युतीय एसयूभीको टिजर भिडियो सार्वजनिक गरेका थिए । कम्पनीले बेलायतको अक्सफोर्डशायरमा रहेको महिन्द्राको नयाँ डिजाइन स्टुडियोमा ३ वटा नयाँ इलेक्ट्रिक मोडलहरू प्रस्तुत गर्न लागेको छ । यी मोडलहरु बेलायतमा आधारित नयाँ डिजाइन स्टुडियो द्वारा डिजाइन गरिएको हो।
यसमा टिजरले रेजर-शार्प बडी प्यानल, स्टार-आकारको पाङ्ग्रा, स्क्वायर आकारको स्टेयरिङ ह्वील, ल्यान्डस्केप- डिजिटल इन्स्ट्रुमेन्ट कन्सोल, एजस्टेबल हेडरेस्ट, आरामदायि सिट र थुप्रै सुविधाहरु रहेका छन् ।
