नेपाल साइकल सिटी नेटवर्कले युएनडिपीको आर्थिक सहयोगमा दाङको तुलसीपुरमा साइकल यात्रुका लागि छुट्टै साइकल लेन बनाएको छ । यसअघी साइकल सिटी नेटवर्कले पोखरामा साइकल लेन बनाएको थियो ।
तुलसीपुरको मुख्य बजारका विभिन्न सडकमा साइकल लेन निर्माण गरिएको छ। तुलसीपुरको घोराही चोकदेखि त्रिशिद्देश्वरी मन्दिर हुँदै मदन आश्रित चोकसम्म, गुप्त मेडिकलदेखि १९ नम्बर बाहिनी चोकसम्म, तुलसीपुरका ‘ख’ र ‘ग’ लाइन जोड्ने भित्री सडकलाई साइकल अंकित चिन्ह राखेर छुट्याइएको छ।
यो साइकल लेनले साइकल यात्रुलाई धेरै सहज हुने दाङ साइकल सिटीका उपाध्यक्ष तथा तुलसीपुर साइकल सिटीका अध्यक्ष खुमबहादुर न्यौंपानेले जनाएका छन् । यसका साथै, यसलाई अझै वेवस्थित र छुट्टै रोड बनाउँन हामी सबै मिलेर लाग्ने उनले बताए ।
हाल नेपालमा काठमाडौं, ललितपुर, पोखरा र दाङमा छुट्टै साइकल लेन निर्माण गरिएको छ ।
