सरकारले आगामी आर्थिक वर्षमा २०० सीसी माथिका मोटरसाइकलमा कर वृद्दि गरेसँगै अहिले कम्पनीहरुले आफ्ना मोटरसाइकलको मूल्य धमाधम बढाईरहेका छन् । यसैक्रममा क्रसफायर मोटरसाइकलले पनि नयाँ मूल्य सार्वजनिक गरेको छ । क्रसफायरको नेपालका लागि आधिकरिक वितरक क्लासीक ह्वील एक्सपोर्ट एण्ड इम्पोर्टले नयाँ मूल्यसूची सार्वजनिक गरेको हो ।
मूल्यसूची अनुसार कम्पनीले २५० सीसीका ३ मोडलका मोटरसाइकलको मूल्य बढाएको हो । कम्पनीले क्रसफायर आरएम २५० को मूल्य १ लाख ४० हजारले बढाएर ८ लाख ८८ हजार रुपैयाँ पुर्याएको छ ।
कम्पनीले एचजे २५० को मूल्य पनि १ लाखले बढाएर ७ लाख ७० हजार रुपैयाँ तोकेको छ । त्यसैगरि ट्रेकर २५० को ३५ हजार रुपैयाँ मूल्य वृद्धि गरि ४ लाख १० हजार रुपैयाँ निर्धारण गरेको छ ।
यो मूल्य आज अर्थात जेठ ३० गतेदेखि लागु हुनेछ ।
