डच इलेक्ट्रिक गाडी निर्माता लाइटइयरले विश्वको पहिलो उत्पादन-तयार सौर्य कार, लाइटइयर ० आधिकारिक रूपमा लन्च गरेको छ ।कम्पनीले यसको अन्तिम डिजाइन र विशेषता अनावरण गर्दै नोभेम्बरमा पहिलो डेलिभरी गर्ने प्रतिज्ञा गरेको छ।
भिडियो लाइभमा बोल्दै कम्पनीले २०३५ सम्ममा सौर्य कारको ट्रेन्ड चलाउँने लक्ष्य लिएको छ । यो गाडीले युरोपेली गर्मीको अवस्थामा- ६२५ किलोमिटर (डब्ल्यूएलटीपी) को ब्याट्री रेन्ज र ७० किलोमिटरको अतिरिक्त दैनिक सौर्य रेन्ज बिचको १००० किलोमिटर माथिसम्मको ड्राइभिङ रेन्ज पुरा गर्न सक्ने कम्पनीले जनाएको छ ।
लाइटइयरका सह-संस्थापक लेक्सले भने् ‘अहिलेको अवस्थामा इभीले सही पाईला टेकेको छ तर चार्जिङ स्टेशनको पहुँचमा सबै कम्पनीलेहरु मिलेर लाग्नुपर्छ । लाइटइयर ० ले कम ब्याट्रीमा थप रेन्ज प्रदान गर्दछ, वजन घटाउँछ र प्रति गाडी CO₂ उसर्जन गर्दछ ।’
यो गाडीको माथि सौर्य छत रहेको छ । जसको मद्दतले रिचार्ज ग्रिडमा प्लग इन नगरी हप्ता, महिनासम्म ड्राइभ गर्न सकिने कम्पनीले
जनाएको छ । यो गाडीलाई घरमै भएको सामान्य प्लगले चार्ज गर्न सकिन्छ र प्रति घण्टा ३२ किलोमिटरको रेन्जमा चार्ज गर्ने सकिने छ । पब्लिक डेस्टिनेशन चार्जिङले चार्जिङ २०० किलोमिटर/घण्टाको रेन्ज र ५२० किलोमिटर/ घण्टा छिटो गर्न सकिन्छ ।
