सरकारले सार्वजनिक गाडीको भाडा फेरि बढाएको छ । प्रेट्रोलियम प्रदार्थको मूल्य वृद्दि भएसँगै यातायात व्यवस्था विभागले आज शुक्रबार सुचना प्रकाशित गरि अन्तर प्रदेश यातायातका यात्रुबाहक तथा मालबाहक सवारीको भाडादर बढाएको हो ।
यो भाडादर आजैबाट लागु हुने गरि २.५ प्रतिशतले बढेको विभागले जनाएको छ । विभागका अनुसार पहाडी क्षेत्रमा सन्चालन हुने मालबाहक सवारीमा ३.३ प्रतिशत र तराईको बाटोमा चल्ने मालबाहक सवारीमा ३.७ प्रतिशत मूल्य बढेको छ । इन्धनको मूल्य थपघटका आधारमा एकै पटक ५ प्रतिशतले बढेमा वा घटेमा भाडा समायोजना गर्ने नीति रहेको समेत विभागले जनाएको छ ।
सरकारले बिहीबार राति १२ बजेदेखि लागू हुने गरी डिजेलको भाउ प्रतिलिटर १२ रुपैयाँले बढाएको थियो । योसँगै अब पेट्रोलको नयाँ मूल्य प्रतिलिटर १७८ रुपैयाँ र डिजेल तथा मट्टितेलको मूल्य प्रतिलिटर १६५ रुपैयाँ पुगेको छ ।
यस्तो छ नयाँ भाडादर
