एमजीले भारतमा इन्ट्री-लेभल इलेक्ट्रिक कार ल्याउने योजना बनाएको छ र पछिल्लो रिपोर्ट अनुसार यो वुलिंग एयर इभि (Wuling Air EV) मा आधारित हुनेछ । एमजीले भारतमा उत्पादन गर्ने यो इभी कम्पनीको ‘ग्लोबल स्मल इलेक्ट्रीक भेहिकल प्लेटफर्म’मा बन्न लागेको हो । यसको उत्पादन कोण नेम ‘इ२३०’ रहेको छ । यसलाई भारतीय ड्राइभिङ अवस्थालाई हेरेर त्यस अनुसार मिलाउन परिमार्जन गरिनेछ ।
इ२३० ले Wuling Air को २-डोर बडी स्टाइल कायम राख्नेछ । दुई ढोका मात्रै रहने यो कारमा ४ जनाले सहजै यात्रा गर्न सक्ने छन् । ठूलो ढोका, १२ इन्चको ह्वीलसहित प्लास्टीकको हब क्याप, पछाडिको भाग पनि निकै स्मार्ट तरिकाले बनाइएको छ ।
प्रतिवेदनको अनुसार एमजीको सानो इभीले ३९ बीएचपी इलेक्ट्रिक मोटर र १५० किलोमिटर दायराको २०-२५ kWh ब्याट्री प्याक प्रदान गर्नेछ । भारतीय बजारमा यसको मूल्य १० लाख जति पर्ने अनुमान गरिएको छ ।
एमजीले जनवरी २०२३ मा हुने अटो एक्सपोमा इ२३ अनावरण गरिने अपेक्षा गरिएको छ, त्यसको लगत्तै बजार लन्च हुनेछ।
