टाटा मोटर्स कम्पनीले विद्युतीय गाडीलाई प्राथामिकता दिदैँ नेपालमा १०८ स्थानमा चार्जिङ स्टेसन जडान गरेको छ । टाटा मोटर्सको नेपालका लागि आधिकारिक वितरक सिप्रदी ट्रेडिङले हालसम्म देशभर १०८ स्थानमा चार्जिङ स्टेसन जडान गरेको जनाएको छ ।
कम्पनीले ९२ स्थानमा एसी चार्जिङ स्टेसन र ६ स्थानमा डीसी फास्ट चार्जिङ स्टेसन जडान गरिसकेको छ । बागमती प्रदेश अन्तर्गत कम्पनीले ललितपुर, चुम्लिङटार, हेटौंडा, मुलकोट, भरतपुर र धादिङ गरि ६ ठाँउमा डीसी चार्जिङ स्टेसन गरेको छ । यसका साथै, कम्पनीले लुम्बिनीमा भैरहवा, भालुवाङ र नेपालगञ्ज, प्रदेश १ मा इटहरी र विर्तामोडमा, गण्डकीको पोखरा र सुदूरपश्चिम प्रदेशको धनगढीमा डीसी चार्जिङ स्टेसन जडान गरेको छ ।
टाटाले अहिलेसम्म नेपाली बजारमा ६०८ वटा विद्युतीय गाडी बिक्री गर्न सफल भईसकेको छ ।
