सरकारले २५० सीसीभन्दा माथिको मोटरसाइकलमा अन्तःशुल्क र भन्सार महशुल बढाएसँगै होन्डाले सीबी ३५० सिरिज बाइकहरुको मूल्य बढाएको छ । होन्डाको नेपालको लागि आधिकारिक वितरक स्याकार ट्रेडिङले मूल्य बढाउँदै नयाँ मूल्य सार्वजनिक गरेको हो ।
सरकारले बाइकको ३० प्रतिशत रहेको भन्सार कर ७० प्रतिशत पुर्याएसँगै यसअघी ७ लाख ७५ हजार रुपैयाँ रहेको होन्डा सिबी ३५० हाइनेसको मूल्य अहिले ७३ हजार रुपैयाँले बढाएर ८ लाख ४८ हजार रुपैयाँ पुगेको छ ।
साथै, यसअघी ७ लाख ९८ हजार ९०० रुपैयाँ रहेको सिबी ३५० आरएसको मूल्य कम्पनीले १ लाख रुपैयाँले वृद्धि गरेर ८ लाख ९८ हजार ९०० रुपैयाँ तोकेको छ ।
