सरकारले आइतबार पनि सार्वजनिक बिदा दिने निर्णय गरसँगै नेपालमा पेट्रोलियम पदार्थको १८ प्रतिशत खपत घटेको छ । तर आज मात्रै असार १ गतेदेखि लागु हुनेगरि सरकारले आइतबारको बिदा खारेज गरेको छ ।
हप्ताको दुई दिन बिदाले गर्दा जेठ महिनामा पेट्रोलियम पदार्थको खपत घटेको नेपाल आयल निगमका प्रवक्ता विनितमणि उपध्यायले जनाएका छन् । वैशाख महिनाको २२ गतेसम्ममा ४७ हजार ८५० किलोलिटर पेट्रोल खपत भएको थियो । अहिले जेठ महिनाको २२ गतेसम्ममा ३९ हजार ४५० किलोलिटर मात्रै पेट्रोल खपत भएको छ । जसमा ८ हजार ४ सय किलोलिटर अर्थात् १७.५५ प्रतिशतले पेट्रोल खपत कम भएको उपध्यायले बताए ।
साथै, त्यसैगरी, वैशाखको २२ गतेसम्ममा १ लाख ८ हजार ४९३ किलोलिटर डिजेल खपत भएकोमा सोही अवधिको जेठमा ८८ हजार ५ सय ४८ किलोलिटर डिजेल खपत भएको उनले जानकारी दिए । जसमा दुई दिन विदाको व्यवस्थाले १९ हजार ९४५ किलोलिटर अर्थात् १८.३८ प्रतिशतले खपत कम निगमले जनाएको छ ।
