सारकारले सार्वजनिक बिदाका दिन सरकारी गाडी चल्ने क्रम बढेपछि अब सार्वजनिक बिदाका दिन सरकारी सवारीसाधन चलाउन अनिवार्य अनुमति लिनुपर्ने भएको छ । बढ्दो पेट्रोलियम पदार्थलाई खपतलाई मध्येनजर गरेर गृह मन्त्रालयले यो कदम चालेको हो । यो व्यवस्था चाँडै नै कार्यन्वयनमा आउँने मन्त्रालयले जनाएको छ।
यसअघी मन्त्रालयले सार्वजनिक बिदाका दिन सवारी नचलाउन भनेको थियो । तर केही अत्यावश्यक कामका पर्ने हुनाले अब पास लिएर मात्र
चलाउँन आग्रह गरेको छ । यसको लागि, सरकारले खपतलाई कम गर्ने उद्देश्यले जेठ १ गतेदेखि परीक्षणका रुपमा हप्तामा दुई दिन आइतबार र शनिबार सार्वजनिक बिदा लागू गरेको छ ।
कर्मचारीले बिदाको दिन गाडी चलाउँनु परे केन्द्रमा मन्त्रालय, आयोग, प्रतिष्ठान वा अन्य निकायको हकमा सम्बन्धित निकायको सचिवबाट जारी भएको पास लिनुपर्नेछ ।
यसका साथै प्रदेशस्तरमा प्रदेश सरकारका सचिवस्तरको निर्णयबाट माग गरी प्रमुख सचिव, जिल्ला तहमा कार्यालय प्रमुखको निर्णयले माग गरी प्रमुख जिल्ला अधिकारीबाट अनुमति लिनुपर्नेछ ।
