सरकारले पेट्रोलियम पदार्थमा लाग्दै आएको पूर्वाधार कर हटाउने भएको छ । आज सोमबार एक कार्यक्रममा बोल्दै अर्थमन्त्री जनार्दन शर्माले १० प्रतिशत पूर्वाधार कर हटाउने बताएका हुन् । यसको लागि तिर्व रुपमा काम भईरहेको शर्माले बताएका छन् ।
हाल पेट्रोलको मूल्य प्रतिलिटर १८० रुपैयाँ तथा डिजेल र मट्टितेलको मूल्य १६३ रुपैयाँ रहेको छ ।
हालको मूल्य अनुसार सरकारले पेट्रोलमा प्रतिलिटर ६३.२३ र डिजेलमा ४५.९१ रुपैयाँ कर लिदै आईरहेको छ । सरकाले प्रतिलिटरमा निगम प्रशासन खर्च ०.६० रुपैयाँ, बीमा खर्च ०.०७ रुपैयाँ, ढुवानी भाडा ६.६ रुपैयाँ, प्राविधिक नोक्सानी १.३८ रुपैयाँ, डिलर खर्च र नाफा ६.१२ रुपैयाँ थप शुल्क लिने गरेको छ ।
