नेपाल आयल निगमले आईतबार राति १२ बजेदेखि लागु हुने गरि पेट्रोलियम पदार्थको नयाँ मूल्यसूची सार्वजनीक गरेको छ । जसअन्तर्गत पेट्रोल, डिजेल र मट्टितेल प्रतिलिटर १० रुपैयाँका दरले बढेको छ । योसँगै अब पेट्रोलको मूल्य प्रतिलिटर १८० रुपैयाँ तथा डिजेल र मट्टितेलको मूल्य १६३ रुपैयाँ पुगेको छ । साथै, खाना पकाउने ग्यासको मूल्य प्रतिसिलिण्डर २ सय रुपैयाँले बढेर १८ सय पुगेको छ ।
आयल निगमले आठ दिनको अन्तरालमा पेट्रोलियम पदार्थको मूल्य गरिसकेको छ । यसअघी चुनावको भोलिपल्ट वैशाख ३१ राति १२ बजेबाट लागु हुनेगरि निगमले पेट्रोल, डिजेल र मट्टितेलमा प्रतिलिटर १० रुपैयाँ बढाएको थियो।
मूल्य बढाएर बेचेपनि आगामी १ महिनामा ६ अर्ब ७० करोड घाटा लाग्ने निगमले जनाएको छ । सरकारले विभिन्न शीर्षकमा लिने अचाक्ली करले मूल्य बढाउँन बाध्य भएको निगमले जनाएको छ ।
सरकारले लिने कर
सरकारले पेट्रोलमा प्रतिलिटर ६३.२३ कर लगाउँदै आएको छ । नेपाल आयाल निगमले भारतबाट ११७.१८ रुपैयाँमा नेपाल पेट्रोल भित्र्याउने गर्छ । सरकारले विभिन्न शीर्षकमा लगाएको करको मूल्य र खरिद गरेको मूल्य एकमुस्ट जोडदा निगमलाई काठमाडौं आइपुग्दा प्रतिलिटर १९४.६४ रुपैयाँ पर्न जान्छ । निगमले हाल तय गरेको बिक्रि मूल्य (१८० रुपैयाँ) अनुसार निगमलाई प्रतिलिटर १४.६४ रुपैयाँ घाटा हुन जान्छ ।
सरकाले प्रतिलिटरमा निगम प्रशासन खर्च ०.६० रुपैयाँ, बीमा खर्च ०.०७ रुपैयाँ, ढुवानी भाडा ६.६ रुपैयाँ, प्राविधिक नोक्सानी १.३८ रुपैयाँ, डिलर खर्च र नाफा ६.१२ रुपैयाँ थप शुल्क लिने गरेको छ ।
साथै, सरकारले डिजेलमा ४५.९१ रुपैयाँ कर लिदै आईरहेको छ । नेपाल आयाल निगमले भारतबाट १३४.५४ रुपैयाँमा नेपाल डिजेल भित्र्याउने गरेको छ । सरकारले विभिन्न शीर्षकमा लगाएको करको मूल्य र खरिद गरेको मूल्य एकमुस्ट जोडदा निगमलाई काठमाडौं आइपुग्दा प्रतिलिटर १८९.८२ रुपैयाँ पर्न जान्छ । निगमले हाल तय गरेको बिक्रि मूल्य (१६३ रुपैयाँ) अनुसार निगमलाई प्रतिलिटर २६.८२ रुपैयाँ घाटा हुन जान्छ ।
