अब टेस्लाको सुपरचार्जर नेटवर्क स्थानहरूमा टेस्ला बाएक अन्य इलेक्ट्रिक गाडीहरू पनि चार्ज गर्न सकिने भएको छ । युरोप-व्यापी पायलट योजनाको विस्तारको रूपमा अन्य ब्रान्डका सवारीहरूलाई नेटवर्क प्रयोग गरेर चार्ज गर्न अनुमति दिन भएको हो ।
कम्पनीले युरोपमा रहेको सुपरचार्जर नेटवर्कमा सबै विद्युतीय गाडीलाई खुला गर्ने योजना अघि सारेको छ । यो योजना नेदरल्याण्डमा गत वर्ष नोभेम्बरमा सुरु गरिएको थियो त्यस्तै स्पेन, बेल्जियम, स्वीडेन, अस्ट्रिया र युकेका १५ सुपरचार्जर स्टेशनहरूमा पनि विस्तार हुने भएको हो । चयनित स्टेशनहरू सुपरचार्जर टाइप २ सीसीएस कनेक्टरसँग मिल्दो सबै ब्रान्डका इलेक्ट्रिक कारहरू लागि खुला गरेको हो ।
हाल टेस्लाका प्रयोगकर्तालाई सुपरचार्जर स्टेसनमा प्रति महिना १०.९९ युरो दरले शुल्क बुझाउनु पर्छ । अन्य ब्राण्डका इलेक्ट्रिक गाडीका प्रयोगकर्ताले भने प्रति किलोबाट ०.६० पेनीका दरले शुल्क बुझाउनु पर्ने जनाइएको छ । कम्पनीका अनुसार यो शुल्क स्टेसन अनुसार फरक पर्न सक्नेछ ।
