जीप इन्डियाले बिहीबार आधिकारिक रूपमा आफ्नो बहुप्रतिक्षित एसयुभी मेरिडियन भारतमा लन्च गरेको छ। म्यानुअल ट्रान्समिसनसहितको बेस भेरियन्टको लागि जीप मेरिडियन एसयूभीको प्रारम्भिक मूल्य भारु २९.९० लाख रुपैयाँ राखिएको छ। साथै, टोमेटिक ट्रान्समिसन भएको टप-अफ-द-लाइन भेरियन्टको एक्स-शोरूम मूल्य भारु ३६.९५ लाख रुपैयाँ तोकिएको छ।
यो गाडीको लुक जीप कम्पास एसयूभीको जस्तो रहेको छ । लुकमा उस्तै देखिएपनि यो गाडी निकै आधुनिक र विलासी एसयूभी भएको कम्पनीले जनाएको छ । यसको लुक सिग्नेचर डिजाइनमा आधारित रहेको छ । यसमा द्वि-फंक्शन एलईडी हेडल्याम्पहरू, एलईडी डेटाइम रनिङ लाइटहरू सहितको आकर्षक बम्पर, पानोरामिक सनरुफ, १०.१ इन्चको टचस्क्रिन इन्फोटेनमेन्ट प्रणाली, वायरलेस एप्पल कारप्ले, बडी क्ल्याडिङ, इन्टिग्रेटेड रूफ, ८ इन्चको डायमण्ड-कट एलोय ह्वील, एलईडी फग ल्याम्पहरूसहितको आइकोनिक सेभेन-स्लेट ग्रिलहरू समावेश रहेका छन् ।
जीप मेरिडियनमा २.० लिटर ४ सिलिन्डर टर्बोचार्ज्ड डिजेल इन्जिन रहेको छ जसले अधिकतम १७० बीएचपी पावर र ३५० एनएमको टर्क जेनेरेट गर्छ। यसमा फ्रन्ट-ह्विल ड्राइभ र अल-ह्विल ड्राइभ दुवै प्रणाली रहेका छन् ।
यो एसयुभीले १०.८ सेकेन्डमा ० देखि १०० किमी प्रतिघण्टाको गति लिन सक्छ र यसको टप स्पीड १९८ किमी प्रतिघण्टा रहेको छ । यसमा इलेक्ट्रिकली एडजस्टेबल फ्रन्ट सिट, १०.२५ इन्चको डिजिटल इन्स्ट्रुमेन्ट कन्सोल, वायरलेस फोन चार्जिङ, डुअल जोन क्लाइमेट कन्ट्रोल, पानोरामिक सनरुफ, पावर्ड टेलगेट र ९ स्पिकर अल्पाइन सोर्स अडियो सिस्टम जस्ता विलासी फिचरहरु रहेका छन् ।
ग्राहकहरुको सुरक्षालाई मध्येनजर गरेर कम्पनीले जीप मेरिडियनमा ६० भन्दा बढी सेफ्टी र सेक्युरिटी फिचरहरु उपलब्ध गराएको छ । नयाँ जीप मेरिडियनमा ६ एयरब्याग, ट्र्याक्सन कन्ट्रोल, इलेक्ट्रोनिक स्ट्याबिलिटी कन्ट्रोल, हिल स्टार्ट र डिसेन्ट कन्ट्रोल, ३६० डिग्री क्यामेरा जस्ता सेफ्टि फिचरहरु रहेका छन् ।
