कारमा एप्पलको चासो आईफोन आउनु भन्दा पहिलेको हो, र एप्पलका पदाधिकारीहरूले आईफोन सुरु हुनु अघि नै कार निर्माण गर्ने बारे छलफल गरेका थिए । स्टीव जब्सले एप्पल कारको विकास गर्ने बारे पहिले नै सोचेका थिए, र उनले “V-Vehicle” कम्पनिका निर्मातासँग पनि भेटेका थिए, तर अन्ततः कारमा काम नगर्ने निर्णय गरी बरु आईफोन विकासमा ध्यान केन्द्रित गर्ने निर्णय भएको थियो ।
आईफोन, अब एप्पलको सबैभन्दा लाभदायक उपकरणको रूपमा चर्चित भएको छ, तर पनि एप्पलले कार-सम्बन्धित परियोजनाको सम्भावनाको खोजी, अनुसन्धान र विकासका अन्य मार्गहरू भने रोकेको छैन भन्ने कुराहरु आइराखेको छ ।
२०१४ मा एप्पलले, कम्पनीको क्युपर्टिनो मुख्यालय नजिकैको गोप्य स्थानमा विद्युतीय सवारी साधनको विकास गर्ने १००० कार विशेषज्ञ र इन्जिनियरहरूको साथमा “प्रोजेक्ट टाइटन” मा काम गर्न थालेको थियो । एप्पल कार परियोजना, आन्तरिक कलह र नेतृत्व मुद्दाहरूको कारण विगत धेरै वर्षहरूमा धेरै पटक परिवर्तन भएको पाइएको छ ।
एप्पल अब एक पूर्ण सेल्फ-ड्राइभिङ गाडीमा काम गरिरहेको हल्ला बजारमा छ जसलाई ड्राइभ गर्न प्रयोगकर्ताको कुनै आवश्यक पर्दैन । यो एक उच्च महत्वाकांक्षी परियोजनाको रुपमा लिईएको छ, र एप्पल कुनै स्टीयरिङ ह्वील र पेडल बिना कार डिजाइन गर्न खोजहरु गर्दै छ ।
एप्पल कारमा उच्च शक्ति भएको एप्पलले डिजाइन गरिएको चिप हुनेछ, र यो एप्पलले अहिलेसम्म विकास गरेको सबैभन्दा उन्नत कम्पोनेन्ट हो । यो न्यूरल प्रोसेसरबाट बनेको हो जसले सेल्फ-ड्राइभिङका लागि आवश्यक पर्ने अविश्वसनीय एआई लोडलाई ह्यान्डल गर्न सक्छ । TSMC कम्पनीले चिप निर्माण गर्ने अपेक्षा गरिएको छ, र त्यो उही कम्पनी हो जसले आईफोन, आईप्याड र म्याकका लागि चिपहरू बनाउँछ ।
एप्पलसँग कार निर्माणको कुनै अनुभव नभएकाले गाडी उत्पादन गर्न साझेदारको आवश्यकता पर्नेछ र एप्पलले अटोमोबाइल उद्योगमा साझेदारी सुरक्षित गर्न काम गरिरहेको बताइएको छ । एप्पलले कोसँग काम गर्ने हो भन्ने अहिलेसम्म थाहा छैन, तर यसले हुन्डाई र अन्य कम्पनीहरूसँग छलफल गरिरहेको छ ।
एप्पल कारलाई अरु हाई-एन्ड मोडेलको गाडी भन्दा उच्च रुपमा बजारमा ल्याउने सम्भावना रहेको छ ।२०१७ को सुरुदेखि नै, एप्पलले क्यालिफोर्नियामा सार्वजनिक सडकहरूमा सेल्फ-ड्राइभिङ सवारी साधनहरूको परीक्षण गर्दै आएको छ । एप्पलले आफ्नो सेल्फ-ड्राइभिङ सफ्टवेयर तयार गर्ने क्रममा सेन्सरहरू र क्यामेराहरू भएको SUV हरु क्युपर्टिनोको सडकमा देखा परेका छन्, र वर्षौंदेखि परीक्षणको दायरा बढेको छ । एप्पलसँग सडकमा ६० भन्दा बढी परीक्षण सवारी साधनहरू छन् ।
एप्पलले २०२५ सम्म आफ्नो कार लन्च गर्ने लक्ष्य राखेको छ, तर परियोजनाको महत्वाकांक्षी प्रकृतिलाई ध्यानमा राख्दै, यसले त्यो मितिमा काम सक्ने छैन र परियोजनामा ढिलाइ भएको देख्न सकिनेछ ।
एप्पलले भ्वाइस कमाण्ड सिस्टमबाट आएका आदेशसँग अन्तरक्रिया गर्न सक्ने प्रविधि ल्याउनका लागि आफ्नो मौलिक पेटेन्ट फाइलिङमध्ये एउटा परिमार्जन गरेको दाबी गरेको छ । यसले आइफोन जस्तै काम गर्नेछ ।
एप्पलको यो कार आईफोनसँग कनेक्ट गर्न सकिन्छ । यसलाई आईफोनमा दिइएको सिरी भ्वाइस कमाण्डको साथ चलाउन सक्षम हुनेछ । यो कार एप्पलको सिरी भ्वाइस कमाण्ड सिस्टम जस्ता धेरै उत्कृष्ट फिचरले सुसज्जित हुनेछ । एप्पलको यो कारले भ्वाइस कमाण्ड सुनेर आफैं पार्किङ गर्न सक्नेछ । साथै, यसलाई सही ठाउँमा पुग्ने जस्ता विभिन्न कार्य गर्न सक्षम हुनेछ ।
