बजाजले पल्सर एन २५० र एफ २५० लाई क्यारिवियन ब्लु कलर थिममा सार्वजनिक गरेको छ । साथै, ६ महिनाअघि भारतमा लन्च भएको यि बाइक नेपाल आउँने तयारी रहेको कम्पनीले जनाएको छ । भारतमा पल्सर एन २५० को भारतीय मूल्य २५० लाई १ लाख ४४ हजार र एफ २५० को १ लाख ४५ हजार रहेको छ ।
यसमा २५० सीसी, सिङ्गल, सिलिन्डर, दुई-भल्भ, एयर र आयल-कूल्ड इन्जिन उपलब्ध रहेका छन् । यसको इन्जिनले २४. ५ पीएस पावर तथा २१ एनएम टर्क जेनेरेट गर्दछ । यसमा ५ स्पीडको गियरबक्स रहेको छ । दुबै मोटरसाइकलको सिट उचाइ ७९५ एमएम र ग्राउन्ड क्लियरेन्स १६५ एमएम रहेको छ ।
ग्राहकले दुबै मोटरसाइकलमा गियर पोजिसन इन्डिकेटर, फुल एलइडी लाइट, सेमि डिजिटल इन्स्ट्रयुमेन्ट क्लस्टर, घडी, माइलेज, ट्रिप मिटर आदि जस्ता समान सुविधाहरू प्राप्त गर्नेछन् । ग्राहकहरुको सुरक्षालाई मध्येनजर गरेर कम्पनीले सिंगल च्यानल एबीएस समावेश गरेको छ ।
