क्रसफायर तथा इटालिका मोटोले सार्वजनिक गरेको नयाँ वर्ष अफर समाप्त भएको छ । चैत्र २६ गतेदेखि सुरु भएको यो अफर अहिले सकिएको छ । कम्पनीले बैशाख ११ सम्म मात्र अफर लागु गरेपनि ग्राहकहरुको चासोलाई मध्येनजर गरेर अफर समय अवधि बढाएको छ ।
ग्राहकले क्रसफायरका कुनैपनि मोटरसाइल वा स्कुटर खरिद गर्दा कुपन स्क्याच गरि १० हजारदेखि ५० हजार रुपैयाँसम्म जित्न सक्ने सुविधा थियो। साथै भाग्यशाली विजेताले बम्पर उपहारमा १ लाख ५० हजार रुपैयाँ जित्न सक्नेथे । वम्पर विजेताको नाम जेठ पहिलो हप्ता सार्वजनिक गरिने कम्पनीले जनाएको छ । अफर अन्तर्गत ग्राहकले १५ हजार बराबरको एशोसरिज निःशुल्क प्राप्त गर्ने अवसर थियो ।
कम्पनीले ग्राहकको लागि फाइनान्स र एक्सचेन्जको सुविधा पनि दिएको थियो । ग्राहकले आफ्नो कुनैपनि मोटरसाइल वा स्कुटर क्रसफायरसँग एक्सचेन्ज गर्न पाउँन सक्थे । साथै,एक्सचेन्जबाट मोटरसाइल वा स्कुटर खरिद गर्ने ग्राहकलाई कम्पनीले एक्सचेन्ज वोनस २५ हजार रुपैयाँ दिने थियो । फाइनान्सको लागि कम्पनीले २.७९ प्रतिशत व्याजमा कर्जा उपलब्ध गराएको थियो ।
कम्पनीले हरेक हप्ताको २ जना विजेतालाई २ रात ३ दिनको हिमालयन फ्रन्ट होटल पोखराको प्याकेज उपलब्ध गराइदिएको थियो ।
