टाटा मोटर्सले भारतमा नयाँ विद्युतीय कार अभिन्याको कन्सेप्ट तस्बिर सार्वजनिक गरेको छ । कम्पनीका अनुसार यो पूर्णविद्युतीय तेस्रो पुस्ताको आर्किटेक्चरमा आधारित हुनेछ ।
टाटा मोटर्सले यही प्लेटफर्म अन्तर्राष्ट्रिय रुपमा तयार गर्नेछ । कार आगामी २०२५ मा सोरुमहरुमा आइपुग्ने अनुमान गरिएको छ । भविष्यमा बजारमा आउने कार मानिने टाटा अभिन्याले टाटा मोटर्सको बजार भविष्यलाई एक कदम अगाडि बढाउने बताइएको छ ।
कम्पनीले यो कारमा बोल्डनेस जोड दिएको छ । जसमा ठूला अलोय टायर, फराकिला खुल्ने बटरफ्लाई ढोकाहरु, पछाडि स्लिक एलईडी स्ट्रिप जसले टेललाइटको पनि काम गर्छ। यसले फुल चार्जमा ५ सय किलोमिटर भन्दा बढी रेन्ज दिने दाबी गरिएको छ । त्यसैगरी यसले अल्ट्रा–फास्ट चार्जिङ प्रयोग गर्ने र ३० मिनेट भन्दा कम समयमै फुल चार्ज हुने बताइएको छ ।
