ट्यारोले नेपाली बजारमा नयाँ स्कुटर लन्च गरेको छ । इटालियन मोटरासइकल ब्राण्ड ट्यारोको नेपालका लागि आधिकारिक वितरक ओम मोटोकर्पले ट्यारो इमोला १५० स्पोर्टी स्कुटरको विक्री सुरु गरेको हो । कम्पनीले यसको नेपाली मूल्य ३ लाख ३० हजार रुपैयाँ राखेर बिक्रि सुरु गरेको छ ।
यसको डिजाइन स्पोर्टी रहेको छ जसमा भी-आकारको एलईडी हेडलाइट र ओ-आकारको रियर लाइट समावेश गरिएको छ । यसमा कम्बाइन्ड ब्रेकिङ सिस्टम (CBS), क्यापेसिटर-डिस्चार्ज इग्निसन (CDI), र एबीएस विकल्प सहितको डिस्क ब्रेक समावेश गरिएको छ ।
यसमा १४९.६ सीसी सहित एयर कुल्ड, सिंगल सिलिन्डर, ओएचसी इन्जिन रहेका छन् । जसले ८००० आरपीएममा ८.६ किलोवाटको पावर र ६००० आरपीएममा १२.१ एनएमको टर्क जेनेरेट गर्दछ । फियुल ट्याकंको क्षेमता ५.५ रहेको छ र यसको माइलेज ४५ किलोमिटर पर लिटर रहेको कम्पनीले जनाएको छ ।
साथै, यसको स्पोर्टी डिजाइन र बोल्ड लुकले गर्दा युवायुवती स्कुटर प्रति आकर्षक हुने कम्पनीले जनाएको छ । यसअघि कम्पनीले १५० सीसी कै म्याक्सी डिजाइनको स्कुटर विक्री गर्दै आएको छ ।
