नितिन गडकरीले मंगलबार एक कार्यक्रममा बोल्दै टेस्लाका मालिक इलोन मस्कलाई, भारतमा आफ्नो दायराको विधुतीय गाडी उत्पादन र बिक्री गर्न स्वागत गरेको छन् । तर, गडकरीले मस्कलाई चीनमा उत्पादन गरेर भारतमा बिक्री नगर्न सल्लाह दिए ।
गडकरीले भने, “मस्कलाई हाम्रो अनुरोध छ– भारत आउनुहोस् र भारतमा उत्पादन गर्नुहोस् । हामी लागत घटाउन सक्छौं । भारत आउनुहोस् र उत्पादन सुरु गर्नुहोस् । भारत ठूलो बजार हो । यहाँ पोर्टहरू उपलब्ध छन् । निकासीमा समस्या आउँदैन ।”
मस्कले यसअघि भारतमा आफ्ना सवारीसाधन आयात गर्न आवश्यक पर्ने उच्च शुल्कबारे चिन्ता व्यक्त गरेपछि गडकरीले यस्तो भनेका हुन् । टेस्लाले भारतमा विद्युतीय सवारीसाधन आयात र बिक्री गर्न चासो देखाएको थियो ।
कम्पनीले कम लागतको माग गर्दै एक वर्षभन्दा बढी समयका लागि सरकारसँग आग्रह गरेको थियो । हाम्रो वर्तमान कर संरचना अनुसार नै भएको भन्दै सरकारले यो अनुरोध अस्वीकार गरेको थियो ।
