यो महिना नेपाली बजारमा किया इभी-६ ले पाईला टेक्ने भएको छ । किया मोटर्सको नेपालका लागि आधिकारिक वितरक कन्टिनेन्टल ट्रेडिङ इन्टरप्राइजेज अनुसार यो महिनाको अन्तिम साता यो गाडी नेपाल भित्रिन् लागेको हो । यो इलेक्ट्रिक कारको मूल्य नेपाली १ करोड २० लाख हुनेसक्ने अनुमान गरिएको छ । तर कम्पनीले भने यसको आधिकारिक मूल्य अहिलेसम्म खुलाएको छैन् ।
स्पोर्टी डिजाइनमा केन्द्रिय यो कारमा इंटीग्रेटेड एलईडी, डे-टाइम रनिंग लाइट्सको साथै युनिक एलइडी डिआरएलएस रहेका छन् । यसमा लेयर्ड ड्यासबोर्ड, एसी भेन्ट्स, फ्ल्याट बटम स्टेयरिङ ह्वील र सेन्टर कन्सोल, वायरलेस चार्जर, ८-साइड आरामदायी ड्राइभर सिट, फराकिलो क्याविन स्पेस, एआईमा आधारित एचयूडी, एडीएएस जस्ता सुविधाहरु रहेका छन् ।
अन्तर्राष्ट्रिय बजारमा अहिले किया ‘इभी-६’ को ५८ किलोवाट र ७७.४ किलोवट गरी २ ब्याट्री प्याक सहित उपलब्ध रहेको छ । जसअन्तर्गत ‘इभी-६’ को ५८ किलोवाट र ७७.४ किलोवट कारले ५८५ र बिएचपी पावर र ७४० एनएम टर्क उत्पादन गर्दछ । फुल चार्जमा यसले ५२८ किलोमिटरसम्मको रेन्ज दिन सक्ने कम्पनीले दाबी गरेको छ ।
