यामाहाको आजदेखि महा एक्स्चेन्ज मेला सुरु भएको छ । काठमाडौंको भृकुटीमण्डपमा आज देखि वैशाख २२ गतेसम्म महा एक्स्चेन्ज मेला आयोजना हुने भएको हो ।एक हप्ता लामो यस महा एक्सचेन्ज मेलामा थुप्रै सुविधा, र विभिन्न आकर्षक उपहारको व्यवस्था रहेको कम्पनीले जानकारी दिएको छ ।
यामाहा मोटरसाइकल तथा स्कुटरको आधिकारिक वितरक एमएडब्ल्यू इन्टरप्राइजेजले उक्त महा एक्सचेन्ज मेलामा ग्राहकलाई विभिन्न स्कीम सहित दुई नयाँ मोडल मुख्य आकर्षणको रुपमा पेश गर्ने तयारी गरेको छ ।
मेलामा जुनसुकै ब्राण्ड र जुनसुकै अवस्थाका मोटरसाइकल तथा स्कुटर एक्सेन्ज गर्न सकिने र सो गर्नेलाई बजार मूल्यांकनको अतिरिक्त १० हजार रूपैयाँ दिइने कम्पनीले घोषणा गरेको छ ।
एक्सचेन्ज मेलामा टेष्ट राइडको कार्यक्रम पनि राखिएको छ । उक्त टेष्ट राइडका सहभागीमध्येबाट हरेक दिन एक जनाले माउण्टेन फ्लाइटको टिकट उपहार प्राप्त गर्ने अवसर पनि रहेको छ ।
