हरेक महिना विभिन्न मोडेलका मोटरसाइकल र स्कुटरको मूल्य केहि मात्रामा बढीरहेको छ । यो महिना पनि यामाहा, मोटरहेड र होन्डाले मोटरसाइकल तथा स्कुटरको मूल्य बढाएका छन् ।
यामाहाले बैशाख ६ गते नै नयाँ बढेको मूल्य सार्बजनिक गरेको थियो । त्यसैगरि मोटरहेड र होन्डाले पनि मुल्य बढाएर आफ्नो नयाँ मूल्यसुची सार्वजनिक गरेको छ।
यसैगरी अप्रिलिया र भेष्पाको मूल्य वैशाख १५ देखी बृद्धि हुने जानकारी दिँदै आधिकारिक वितरक एमभी दुगड ग्रुपले पुरानै मूल्यमा मोटरसाइकल खरिद गर्न चाहने ग्राहकलाई सो सयम अगावै बुकिङ लिन आग्रह गरिसकेको छ ।
नयाँ मूल्यसूची अनुसार यामाहाले स्कुटरमा ४ हजारदेखी मोटरसाइकलमा १५ हजार रुपैयाँसम्म मूल्य बढाएको छ । होन्डाले न्यूनतम ४ हजार देखि अधिकतम ९ हजार रुपैयाँ सम्मले बढाएको छ । मोटरहेडले एमएच १५० आरको मूल्यमा ५ हजार र टेक्कन २५०आर को मूल्य १० हजार रुपैयाँले बढाएको छ ।
