बागमती प्रदेश सरकार अन्तर्गत श्रम रोजगार तथा यातायात मन्त्रालयले पेट्रोलियम पदार्थमा भएको मूल्य वृद्धिलाई मध्येनजर गरेर नयाँ भाडादर लागू गरेको छ । मन्त्रालयले पेट्रोलियम पदार्थको मूल्य बढिरहेकोले भाडा बढाउँन बाध्य भएको जनाएको छ । यसको लागि मन्त्रालयले गुणस्तर तथा नापतौल कार्यालयले काठमाडौँलाई पत्राचार गरेको थियो ।
मन्त्रालयले १४ रुपैयाँ भाडादर बढाएर ५० रुपैँया पुर्याएको छ । यस अन्तर्गत प्रति २०० मिटरमा १० रुपैयाँका दरले भाडादर बढ्दै जाने मन्त्रालयले जनाएको छ ।
हाल नेपालमा कुनैपनि विद्युतीय ट्याक्सी संचालनमा आएका छैनन् । तरपनि मन्त्रालयले विद्युतीय ट्याक्सीको लागि भाडादर निर्धारण गरेको छ । ‘फ्लाग डाउन’ ५० रुपैयाँ र प्रति २०० मिटरमा ९ रुपैयाँका दरले बढ्दै जानेछ । रात्रिकालीन विद्युतीय ट्याक्सीका लागि भने ‘फ्लाग डाउन’ १३ रुपैयाँ प्रति २०० मिटरमा १३ रुपैयाँका दरले भाडा बढ्दै जानेछ ।
यो भाडादर बिहान ४ बजेदेखि राति ९ बजेसम्म लागू हुनेछ ।
