नेपाली युवाहरु माझ लोकप्रिय कम्पनी मोटरहेडले नेपाली बजारमा उपलब्ध रहेका आफ्ना मोटरसाइकलको मूल्य बढाएको छ । नेपालका लागि मोटरहेडको आधिकारिक वितरक एसएलआर टेक्नो एन्ड ट्रेडले आज अर्थात बैशाख ११ गतेदेखी लागु हुने गरि आफ्ना मोटरसाइकलको मूल्य बढाएको हो ।
नेपालमा सबैभन्दा प्रख्यात र धेरै बिक्रि हुने मोटरहेडको ‘एमएच १५० आर’ मोटरसाइकलमा कम्पनीले ५ हजार र टेक्कन २५०आर को मूल्य १० हजार रुपैयाँले बढाएको छ ।
पछिल्लो समय मोटरसाइकल निर्माण गर्न आवश्यक पर्ने वस्तुहरुको मूल्य बढेसँगै कम्पनीहरु धमाधम आफ्नो उत्पादनको मूल्य बढाईरहेका छन् । यसअघी नेपाली बजारमा यामाहाले आफ्ना मोटरसाइकल र स्कुटरको मूल्य बढाएको थियो ।
