नियूले आफ्ना २ वटा नयाँ इलेक्ट्रिक स्कुटर अनलाईन सपिङ साईट दराजमा सार्वजनिक गरेको छ । नियूको नेपालका लागि आधिकारिक वितरक इको इन्फिनिटी प्रालिले आज दराजमा लन्च गरेको हो ।
नियूको डबल सिटर इलेक्ट्रिक स्कुटर ‘यूक्युआइजिटी’ को दराजमा नेपाली मूल्य २ लाख ४५ हजार रहेको छ । यसमा ४८ भोल्ट ३१ एम्पियर आवर क्षमताको लिथियम आयोन व्याट्री रहेको छ । व्याट्रीको २ वर्ष वारेन्टी समेत रहेको छ । यो स्कुटर ७ घण्टामा फुल चार्ज हुने र ७० देखी ८० किलोमिटरसम्म रेन्ज प्रदान गर्ने कम्पनीले जनाएको छ । यसमा १२०० वाटको मोटर राखिएको छ । यसलाई ४५ कलोमिटर प्रतिघन्टाको गतिमा कुदाउँन सकिने छ । यसको तौल ७७ केजी रहेको छ ।
नियूको डबल सिटर इलेक्ट्रिक स्कुटर ‘एमक्युआईजिटी’ को दराजमा नेपाली मूल्य ४ लाख २५ हजार रहेको छ । यसमा ४८ भोल्ट ३१ एम्पियर आवर क्षमताको लिथियम आयोन व्याट्री समावेश गरिएको छ । व्याट्री र मोटरको २ वर्ष वारेन्टी समेत रहेको छ । यो स्कुटर ४ घण्टामा फुल चार्ज हुने र ९० देखी १३० किलोमिटरसम्म रेन्ज प्रदान गर्ने कम्पनीले जनाएको छ । यसमा ३००० वाटको मोटर राखिएको छ । यसलाई ४५-७० कलोमिटर प्रतिघन्टाको गतिमा कुदाउँन सकिने छ ।
